އިދިކޮޅު ޕްރޮގްރެސިވް ކޯލިޝަނުން މިއަދު ހުޅުމާލޭގައި ޚާއްސަ ސައިކަލު ބުރެއް ބޭއްވުމަށް ހަމަޖެހިއްޖެއެވެ.
ހުޅުމާލެ ދާއިރާގެ ކައުންސިލަރު އަދި ޕީއެނސީގެ ނައިބް ރައީސް އިބްރާހިމް ޝުޖާ ކުރެއްވި ޓްވީޓުގައި ވިދާޅުވީ މިއަދު ހަވީރު 4:00 ގައި ފެށުމަށް ހަމަޖެހިފައިވާ މި ސައިކަލު ބުރަކީ ރާއްޖޭގައި ތިބި އިންޑިއާ ސިފައިން ބޭލުމަށާއި، ސަރުކާރުން ކުރާ ނޭއްގާނީ ކަންކަން ހުއްޓާލުމަށް ގޮވާލައި ބާއްވާ ޚާއްސަ ސައިކަލު ބުރެއްކަމަށެވެ.
ޕީ.ޕީ.އެމް ހުޅުމާލެ ސްޓިއަރިންގ ކޮމިޓީގެ ފަރާތުން ބާއްވާ ޚާއްޞަ ސައިކަލް ބުރު 19 ނޮވެމްބަރ 2021 ވާ ހުކުރު ދުވަހު ހަވީރު 04:00ގައި ހުޅުމާލެ ފެރީ ޓާމިނަލް ކުރިމަތިން ފެށިގެންދާނެ. ޤައުމު ދެކެ ލޯބިވާ އެންމެހާ ލޮބުވެތި ރައްޔިތުންނަށް ދަޢުވަތު އަރުވަން.
– ޝުޖާގެ ޓުވީޓުގައި ވިދާޅުވިއެވެ.
ޕީ.ޕީ.އެމް ހުޅުމާލެ ސްޓިއަރިންގ ކޮމިޓީގެ ފަރާތުން ބާއްވާ ޚާއްޞަ ސައިކަލް ބުރު 19 ނޮވެމްބަރ 2021 ވާ ހުކުރު ދުވަހު ހަވީރު 04:00ގައި ހުޅުމާލެ ފެރީ ޓާމިނަލް ކުރިމަތިން ފެށިގެންދާނެ.ޤައުމު ދެކެ ލޯބިވާ އެންމެހާ ލޮބުވެތި ރައްޔިތުންނަށް ދަޢުވަތު އަރުވަން.#DefendMaldives pic.twitter.com/w2loBk7V16
— Ibrahim Shujau (@IbrahimShujaau) November 18, 2021
އިދިކޮޅު ކޯލިޝަނުން ދަނީ ސަރުކާރު ޒިންމާދާރުކޮށް ޖަވާބުދާރީ ކުރުމަށް ޚާއްސަ ހަރަކާތްތަކެއް ހިންގަމުންނެވެ. އެގޮތުން މާލެއާއި އަތޮޅު ތެރޭގެ އެކިރަށްތަކުގައިވެސް އިދިކޮޅު ހަރަކާތްތައް ވަނީ ވަރުގަދަކޮށްފައެވެ. މާލޭގައި އިދިކޮޅު ބާއްވާ ސިލްސިލާ ހިނގާލުންތަކުގެ ތެރެއިން އެންމެ ފަހުން ބޭއްވި ހިނގާލުންވަނީ ދުނިޔޭގެ ބޮޑެތި މީޑިއާތަކުގެ ސަމާލުކަމަށްވެސް އައިސްފައެވެ.
މިގޮތުން އަލްޖަޒީރާއިން ވަނީ ރާއްޖޭގެ މިހާރުގެ ހާލަތާއި އަދި އިންޑިއާގެ ސިފައިން ރާއްޖޭގެ ތިބިތިބުމާއި ގުޅޭގޮތުން ރާއްޖޭގެ ހާލަތު ގެނެސްދީފައެވެ. އިދިކޮޅު ކޯލިޝަނުން ބުނަމުންދަނީ އިންޑިއާ ސިފައިންނަށް ރާއްޖޭގައި ނުތިބެވޭނެކަމަށާއި، އަދި ގޮތްނެގޭގޮތަށް ސަރުކާރުން ހަދާފައިވާ އެއްބަސްވުންތައް ހާމަލުރަންދެން އެއްވުންތަކާއި މުޒާހަރާތައް ހުއްޓާ ނުލާނެކަމަށެވެ.
