ލަންކާގައި ކުރިއަށްދާ މަހިންދަ ރާޖަޕަކްސަ ފޯ ނޭޝަންސް ފުޓްބޯޅަ މުބާރާތުގައި މޮޅެއްނުލިބި، މިޑްފިލްޑަރ އަދި ޔޫތު މިނިސްޓްރީގެ ސްޓޭޓް މިނިސްޓަރ އަޝްހަދު އަލީ (އަޑޭ) އަށް ދެއްކި ރަތްކާޑާއިއެކު މޮޅެއްނުލިބި ރާއްޖެ މުބާރާތުން ކަޓައިފިއެވެ.

މިއީ ސަރަހައްދީ ފެންވަރުގެ މިވަރުގެ މުބާރެއްގައި ރާއްޖޭގެ ޤައުމީ ފުޓުބޯޅަ ޓީމަށް ލިބުނު އެންމެ ދަށް ނަތީޖާއެވެ. ސާފް ޗެންޕިއަންޝިޕުން ޤައުމީ ޓީމަށް ލިބުނު ނާކާމިޔާބީއާއިއެކު، ލަންކާ މުބާރާތުގެ ތަށި ހޯދުމަށް ދިޔަ ޓީމު މުބާރާތުން ކަޓާފައިވަނީ ކުޅުނު އެއްވެސް މެޗަކުން މޮޅުނުވެއެވެ. މިއަދު ހަވީރު ސީޝެލްސް އާއި ދެކޮޅަށް ކުޅުނު މެޗުގެ އިތުރު ވަތުގައި ކުޅެން ނިކުތް އަޑޭ ވަނީ ކުޅެން އެރުވުތާ މިނިޓެއްވެސް ނުވަނީ ސީޝެލްސެ ކެޕްޓަނަށް އުޅަބޮށިން ގަސްތުގައި ހަމަލާދީފައެވެ.

ކުޅުމުން ބޭރުގައި ދިން މި ހަމަލާއަކީ ފުޓުބޯޅައިގެ ގަވާއިދު ބުނާގޮތުން ހަރުކަށި އަދަބު ކަޑައެޅިފައިވާ އަދަބެކެވެ. މިފަދަ އަނިޔާވެރި އަމަލު ހިންގާ ކުޅުންތެރިންނަށް މިފަދަ މުބާރާތްތަކުގައި ކުޅުމުގެ ފުރުސަތު ބަންދުކުރެއެވެ. ނަމަވެސް އަޑޭއާއިމެދު އަމަލު ކުރާނެ ގޮތެއް އަދި ނޭގެއެވެ. މިމުބާރާތަކީ ފީފާ ރޭންކު ކުރާ މުބާރާތަކަށްވާއިރު، މުބާރާތުގައި ރާއްޖެއަށް ލިބުނު ދަށް ނަތީޖާއާއިއެކު ދުނިޔޭގެ ރޭކިންގައި ރާއްޖެ އަނެއްކާވެސް ދަށަށް ދިއުމަކީ ގާތް ކަމެކެވެ.

ދަނޑަށް އެރިތާ މިނެޓެއް ނުވޭ، ރާއްޖެއަށް ގޯލެއް ޖަހަން ލިބުނު ރަނގަޅު ފުރުސަތެއް ހުއްޓުވާލީ ބޭކާރު، ޓީމާއި ގައުމަށް ހުތުރު ނަން ލިބޭ ފަދަ އަނިޔާއެއް އަނެއް ޓީމު ކުޅުންތެރިއަކަށް ދީގެން . . . ???? pic.twitter.com/GAskNKYdix

— Midhuam Saud(米渡）???????? (@midh_am) November 16, 2021

އަޑޭއަށް ދެއްކި ރަތްކާޑާއިއެކު މުޅި ސޯޝަލް މީޑިއާގައި ވަނީ އޭނާއަށް ނުރުހުން އަމާޒުވެފައެވެ. ޚާއްސަކޮށް މެޗުގެ އެންމެ މުހިންމު ވަގުތު އެންމެ ރަނގަޅު ފުރުސަތު ތަނަވެސް އޮތްވަގުތު އަޑޭގެ މިއަމަލަކީ ހިންގި ވަރަށް ހުތުރު ލަދުވެތި އަމަލެއްކަމަށް ގިނަ ބަޔަކު ދަނީ ބުނަމުންނެވެ. އަދި ސަރުކާރުގެ އިސް މަޤާމެއްގައި ހުރެ ދަނޑުމަތީގައި ދެއްކި އަމަލަކީ ވަރަށް ދަށު ދަރައިގެ އަޚުލާގީ މިންގަނޑުން ބޭރު އަމަލެއްކަމަށްވެސް ގިނަ ބަޔަކު ދަނީ ބުނަމުންނެވެ.

Ladhun boa halaaku. Gaumu dheke ahna rulhi ehen meehunnah baaluvan jehey tha? Massalakee mi kahala meehun gaumu represent kuruvan aruvaathee. pic.twitter.com/fcTQ8U7wLb

— Aishath Aleesha (@aishath_aleesha) November 16, 2021

ރާއްޖޭގެ ޤައުމީ ޓީމަކީ މިސަރަހައްދުގައި އިންޑިއާ ފިޔަވައި ދެން ހުރި ޤައުމުތަކުގެ މައްޗަށް ބޮޑު ކާމިޔާބުތަކެއް ހޯދަމުން ދިޔަ ޓީމެއް ނަމަވެސް، ރާއްޖެއަށް މިސަރަހައްދުގެ އެންމެ ދަށް ޓީމުތަކާއި ކުޅެގެންވެސް މޮޅެއް ނިހޯދޭކަން ގިނަ ބަޔަކު ފާހަގަ ކުރެއެވެ.