ކޮރަޕްޝަންގެ ފައިސާ ޚަރަދުކޮށްގެން ޤައުމު ފަސާދަކުރުން ހުއްޓާލުމަށް ފޭދޫ ދާއިރާގެ ކުރީގެ މެންބަރ އަދި އެމްޑީޕީގެ ކުރީގެ ނާއިބު ރައީސް އަލްހާން ފަހުމީ އިދިކޮޅަށް ގޮވާލައްވައިފިއެވެ.

އަލްހާން މިހެން ވިދާޅުވީ އިދިކޮޅުން އިންތިޒާމްކޮށްގެން ހިންގާ އިންޑިއާ އައުޓް ހަރަކާތް ފުޅާވެ އެހަރަކާތުގައި ބައިވެރިވާ މީހުން އިތުވެފައިވާ ދަނޑިވަޅެއްގައެވެ. އަލްހާން ވިދާޅުވީ، ތިމާމެންގެ ސިޔާސީ މަޤްޞަދު ޙާޞިލްކުރުމަށް އަވައްޓެރި އެކުވެރި ދައުލަތްތަކާ ދިމާކޮށްގެން ކުރީގެ ރައީސް ޔާމީންގެ ލީޑަރޝިޕްގެ ދަށުން އިންޑިއާއާއި ދިމާކުރާ ސިޔާސީ ހަތަކާތް ހަރުކަށި ޢިބާރާތުން ކުށްވެރިކުރާކަމަށެވެ. އެއީ އަސާސެއް ނެތް ޔޯލަ ވާހަކައެއްކަމަށްވެސް އަލްހާން ވިދާޅުވިއެވެ.

ކަރަޕްޝަންގެ ފައިސާ ޚަރަދުކޮށްގެން ޤައުމު ފަސާދަކުރުން ހުއްޓާލުމަށް ގޮވާލަން! pic.twitter.com/DNgKpHGisi

— ???????????????????? ???????????????????? – ???????? (@AlhanFahmy) November 12, 2021

އަލްހާން މިހެން ވިދާޅުވެފައިވާއިރު، އިންޑިއާ އައުޓު މުޒާހިރާތައް ފުޅާވަމުން ގޮސް، މިމުޒާހިރާތަކުގައި ގިނަ އަދަދެއްގެ އާންމު ރައްޔިތުން ބައިވެރިވެ، އަދި "އިންޑިއާ އައުޓު" އަޑުތައް ބައިނަލް އަގުވާމީ މީޑިއާތަކާއި ހަމައަށް ފޯރާފައިވާއިރު، "އިންޑިއާއަށްޓަކާ ރާއްޖޭހެ މިނިވަންކަން ގުރުބާން ކޮށްފައިވާ" ކަމަށް ސަރުކާރުގެ މައްޗަށް ކުރެވޭ ތުހުމަތުތަކަށް ޖަވާބުދާރީ ވުމަށް މި ސަރުކާރު މާބޮޑު ސިޔާސަތެއް ގެންގުޅެމުން ދާތަނެއް ފެންނާކަށް ނެތެވެ.

މިހަފްތާ ބަންދުގައި، އިދިކޮޅު ޕީޕީއެމްއިން އިންތިޒާމްކޮށްގެން ބޭއްވި އިންޑިއާ އައުޓް މުޒާހިރާއަކީ، އިންޑިއާ ސިފައިން ރާއްޖެ ދޫކޮށް ދިއުމަށް ގޮވާލާ، ފަހަކަށް އައިސް ގިނަ ބަޔަކު އެއްވި މުޒާހިރާއެއްގެ ގޮތުގައި ފާހަގަ ކޮށްލެވެއެވެ