އިދިކޮޅުން ހިންގާ އިންޑިއާ އައުޓް ހަރަކަތުގެ މަޤްޞަދަކީ އިންޑިއާއިން ރާއްޖެއަށް ވެދެމުން އަންނަ އެހީތަށް ކަނޑާލުންކަމަށް ދިއްގަރު ދާއިރާގެ މެންބަރު އިކްރާމް ޙަސަން ވިދާޅުވެއްޖެއެވެ. އިކްރާމް މިހެން ވިދާޅުވީ، އިންޑިއާ އައުތް ހަރަކާތާއި ގުޅިގެން ފާޑުވިދާޅުވަމުންނެވެ.

އިކްރާމް ވިދާޅުވީ، އިންޑިއާ އައުޓް ހަރަކާތުގެ މައިގަނޑު މަޤްޞަދަކީ ޤައުމުގެ ހަމަޖެހުން ނަގާލުމާއި ފަރުވާއަށް އިންޑިއާއަށްދާ ދިވެހިން ހުއްޓުވުމާއި، އިންޑިއާއިން ދޭ އެހީތައް ހުއްޓުވުމާއި، އިންޑިއާއިން ޓޫރިސްޓުން އައުން ހުއްޓުވުންކަމަށެވެ. އަދި ރާއްޖޭގެ އިޤްތިޞާދު ހަލަލުކޮށްލާ އިންޑިއާއާއި ރާއްޖެ ޖެއްސުމަކީވެސް އެ ހަރަކާތުގެ މަޤްޞަދެއްކަމަށް އިކްރާމް ވިދާޅުވިއެވެ.

#PPMxPNC IndiaOut rallyge maigandu magsadhakee
1. Gaumuga hamajehun nagaalun
2. Faruvaa ah India ah dhiyun huttuvun
3. India in dhey ehee huttuvun
4. India touristun aun huttuvun
5. Raajjeyge Igthisoadh halaaku kollun
6. India aa Dhivehin jessun@IbrahimShujaau @Shiyamaldives

— Ikram Hassan MP (@ikramhassan) November 12, 2021

އިދިކޮޅު ކޯލިޝަނުން ދަނީ ރާއްޖޭގެ އެކި ކަންކޮޅުތަކުގައި މިނިވަންކަމުގެ ދިފާއުގެ ނަމުގައި ގިނަ ހަރަކާތްތަކެއް ބާއްވަމުންނެވެ. މިހަރަކާތްތަކުގައި ރައްޔިތުންގެ ތާއީދު އެއްދުވަހުން އަނެއް ދުވަހަށް އިތުރުވެ، ހަރަކާތްތަކުގައި ބައިވެރިވާ މީހުންގެ އަދަދުވެސް ދަނީ އިތުރުވަމުންނެވެ.

މިހަފްތާ ބަންދުގައި، އިދިކޮޅު ޕީޕީއެމްއިން އިންތިޒާމްކޮށްގެން ބޭއްވި އިންޑިއާ އައުޓް މުޒާހިރާއަކީ، އިންޑިއާ ސިފައިން ރާއްޖެ ދޫކޮށް ދިއުމަށް ގޮވާލާ، ފަހަކަށް އައިސް ގިނަ ބަޔަކު އެއްވި މުޒާހިރާއެއްގެ ގޮތުގައި ފާހަގަ ކޮށްލެވެއެވެ.

އިންޑިއާ އައުޓު މުޒާހިރާތައް ފުޅާވަމުން ގޮސް، މިމުޒާހިރާތަކުގައި ގިނަ އަދަދެއްގެ އާންމު ރައްޔިތުން ބައިވެރިވެ، އަދި "އިންޑިއާ އައުޓު" އަޑުތައް ބައިނަލް އަގުވާމީ މީޑިއާތަކާއި ހަމައަށް ފޯރާފައިވާއިރު، "އިންޑިއާއަށްޓަކާ ރާއްޖޭހެ މިނިވަންކަން ގުރުބާން ކޮށްފައިވާ" ކަމަށް ސަރުކާރުގެ މައްޗަށް ކުރެވޭ ތުހުމަތުތަކަށް ޖަވާބުދާރީ ވުމަށް މި ސަރުކާރު މާބޮޑު ސިޔާސަތެއް ގެންގުޅެމުން ދާތަނެއް ފެންނާކަށް ނެތެވެ.

އިދިކޮޅު ފަރާތްތަކުން، ސަރުކާރުގެ މައްޗަށް ކުރަމުންދާ ސީރިއަސް އަދި މި ބޮޑު ތުހުމަތުތަކުގެ ވާހަކަަތައް ބައިނަލް އަގުވާމީ މީޑިއާތަކުން ގެނެސް ރިޕޯޓު ކުރަމުން ދާއިރު، ސަރުކާރުގެ ހިމާޔަތުގައި ދައުލަތުގެ ވަޒީރުންވެސް ވާހަކަ ދައްކާ މަންޒަރު ފެންނަމުންނެއް ނުދެއެވެ. ސިޔާސީ އިސް މަގާމްތަކުގައި އެތައް ބަޔަކު ތިބި އިރުވެސް، އިންޑިއާއަށް ތާއީދުކޮށް، ސިޔާސީ ވަޒީފާތަކުގައި ތިބި ގިނަ މުވަޒަފުން ބަސް ބުނަމުން ނުދާކަންވެސް ފާހަގަ ކޮށްލެވެއެވެ.