އިންޑިއާގައި އާންމު ރައްޔިތަކަށް ދެވޭ އެންމެ މަތީ ޝަރަފުތަކުގެ ތެރެެއިން ހަތަރުވަނައަށް އެންމެ މަތީ ޝަރަފް ކަމަށްވާ ޕަދްމާ ޝްރީ އެވޯޑު، ފިލްމީ ދާއިރާއިން އެކްޓްރެސް ކަންގަނާ ރަނާވަތަށާއި ޕްރޮޑިއުސަރ އަދި ޑައިރެކްޓަރ ކަރަން ޖޯހަރަށް ދީފިއެވެ.
މީޑިއާތަކުގައި ވަރަށް ހަތުރުވެރި ދެ ފަންނާނުންގެ ގޮތުގައި ފާހަގަވެފައިވާ ކަރަންއާއި ކަންގަނާއަށް އެއް އަހަރެއްގައި ޕަދްމާ ޝްރީ އެވޯޑު ލިބުމަކީ މިއަހަރު މި އެވޯޑުގެ ވާހަކަ ގިނަބަޔަކު ދައްކަމުންދާ އެއް ސަބަބެވެ.
ހޯމަ ދުވަހު އިންޑިއާގެ ރިޔާސީ ގަނޑުވަރުގައި ބޭއްވީ ރަސްމިއްޔާތުގައި އެގަމުގެ ރައީސް ރާމް ނާތު ކޯވިންދު ވަނީ 2020 ވަނަ އަހަރާއި 2021 ވަނަ އަހަރުގެ ޕަދްމާ ޝްރީ އެވޯޑް ލިބުނު ފަރާތްތަކާއި އެވޯޑު ހަވާލުކޮށްފައެވެ. މި ރަސްމިއްޔާތު ބޭއްވީ އެގައުމުގެ ބޮޑުވަޒީރު ނަރެންދުރަ މޯދީގެވެސް ހާޒިރުގައެވެ.
އާންމު ގޮތެއްގައި އެގަމުގެ ޖުމްހޫރީ ދުވަހު ބާއްވާ ރަސްމިއްޔާތުގައި ދޭ މި އެވޯޑު މިދިޔަ އަހަރާއި މިއަހަރު ދިނުން ލަސްވެފައި ވަނީ ކޯވިޑްގެ ބަލިމަޑުކަމުގެ ސަބަބުންނެވެ.
2020 ވަނަ އަހަރުގެ ޕަދްމާ ޝްރީ އެވޯޑް ކަންގަނާ އާއި ކަރަންގެ އިތުރުން މުނިފޫހިފިލުވުމުގެ ދާއިރާއިން ޕްރޮޑިއުސަރ އެކްތާ ކަޕޫރާއި ލަވަކިއުންތެރިޔާ އަދްނާން ސާމީއަށްވެސް ވަނީ ދީފައެވެ.
President Kovind presents Padma Shri to Ms. Ekta Ravi Kapoor for Art. She is the chief mentor and Joint Managing Director of Balaji Telefilms Limited, a company engaged in producing Indian soap operas, reality TV and entertainment in several Indian languages. pic.twitter.com/0mvVdepJN6
— President of India (@rashtrapatibhvn) November 8, 2021
ޕާކިސްތާނަށް އުފަން އަދްނާން ސާމީ 2016 ވަނަ އަހަރު އިންޑިއާގެ ރަށްވެހިކަން ހޯދާފައި ވީނަމަވެސް، އޭނާއަށް މިހާ މަތީ ޝަރަފެއް ދިނުމީ ބަލައިގަނެވޭނެ ކަމެއް ނޫންކަމަށް އިދިކޮޅު ކޮންގްރެސް ޕާޓިން ވަނީ ބުނެފައެވެ. އަދި މިއީ މި އެވޯޑަށްވެސް ލިބުނު ހުތުރުނަމެއް ކަމަށާއި އަދްނާންގެ ނަން އަނބުރާގެންދިއުމަށް ގޮވާލާކަމަށް އިދިކޮޅު ޕާޓިން ވަނީ ބުނެފައެވެ.
ނަމަވެސް އެވޯޑާގުޅޭގޮތުން އަދުނާން ބުނީ އޭނާއަށް އެވޯޑު ދިނުމާ ދެކޮޅަށް ވާހަކަ ދައްކަނީ މަދު ސިޔާސީ ބައެއް ސިޔާސީ އެޖެންޑާއެއްގައި ކަމަށާއި، އޭނާ އަކީ ސިޔާސީ މީހަކަށް ނުވުމުން އެކަމާއޭނާއާ އެއްވެސް ގުޅުމެއް ނެތްކަމަށެވެ.
President Kovind presents Padma Shri to Shri Adnan Sami Khan for Art. He is a world renowned and celebrated music composer, concert pianist, singer and actor. pic.twitter.com/8ybkPIqhJR
— President of India (@rashtrapatibhvn) November 8, 2021
މީޑިއާ އާއި ސޯޝަލް މީޑިއާގައި ހޫނު ހަނގުރާމަތައް ހިނގާ ދެ ފަންނާނުން ކަމަށްވާ ކަންގަނާ އާއި ކަރަންއަށް އެއް އަހަރެއްގައި މި ޝަރަފު ލިބުމުން ކަރަން ބުނީ ކަންގަނާ އާއި އޭނާއާ ދެމީހުންގެ ދެމެދުގައި ބަހުގެ ހަމަލާތަށް ދީފައި ވީނަމަވެސް، އެވޯޑު ދިނުމުގެ ހަފްލާގައި ދެމީހުންވެސް އެކަކު އަނެކަކަށް ސަލާމްކޮށް މަރުހަބާ ކިޔާފައި ވާކަމަށެވެ. އަދި ފިލްމު ޕްރޮޑިއުސަރެއްގެ ހައިސިއްޔަތުން އޭނާ ކަންގަނާގެ ހުނަރާއި މަސައްކަތަށް އިހްތިރާމާއި ގަދަރު ކުރާކަމަށްވެސް ކަރަން ވަނީ ބުނެފައެވެ.
ސޯޝަލް މީޑިއާ އާއި މީޑިއާ ތަކުގައި ކޮންމެ ވާހަކައެއް ދެކެވިފައި ވީނާމަވެސް ކުރިއަށް އޮތްތާ ކަންގަނާނޫން މީހަކަށް އޭނާ ދޭން ބޭނުންނުވާ ރޯލެއް ލިބިއްޖެ ނަމަ އެ ރޯލަކަށް އޭނާ ހޯދުމަށް ގުޅުމަށް އެއްވެސް ޖެހިލުމެއް ނުވާނެ ކަމަށްވެސް ކަރަން ވަނީ ބުނެފައެވެ.
ކަންގަނާ އަކީ ފާޅުގައި ކަރަން ޖޯހަރަށް ފާޑުކިޔާ ތަރިއެކެވެ. އަދި އޭނާ ބުނާ "ބޮލީވުޑް މާފިޔާ"ގެ ތެރޭގައި ވެސް އެންމެ އިސްކޮށް ނަން ހިމަނާ ފަންނާނަކީ ކަރަންއެވެ.
