ޕާކިސްތާނަށް ޑްރަގް އެތެރެ ކޮށްގެން 2019ވަނަ އަހަރު، 8 އަހަރު ދުވަހަށް ޖަލަށް ލާފައި ހުރި، ޗެކް ރިޕަބްލިކްގެ މޮޑެލް އެއްކަމުގައިވާ ޓެރޭޒާ ލުކޯވާ ޖަލުން މިނިވަން ކޮށްފިކަމަށް، އޭނާގެ ގާނޫނީ ވަކީލާއި ހަވާލާދީ، ޗެކް ރިޕަބްލިކް ފޮރިންގ މިނިސްޓްރީން ހާމަކޮށްފިއެވެ.
އުމުރުން 25 އަހަރުގެ ޓެރޭޒާ ލުކޯވާ 2018ވަނަ އަހަރުގެ ޖެނުއަރީމަހު ހައްޔަރު ކޮށްފައިވަނީ، ޕާކިސްތާނުގެ އިރުމަތީ ސިޓީއެއް ކަމުގައި ލާހޫރުގެ އެއަރޕޯޓުން، 9 ކިލޯ ގްރާމްގެ ހެރޮއިންއާ އެކުއެވެ.
އޭނާ ހައްޔަރު ކުރުމަށްފަހު އޭރު ޕާކިސްތާނުގެ ކަސްޓަމް އޮފިޝަލުން އާންމު ކޮށްފައިވާ ވީޑިއޯއަކުން ފެނިފައިވާ ގޮތުގައި، އޭނާ ޔުނައިޓެޑް އަރަބި އެމިރޭޓްސްއަށް ފުރަން އުޅެނިކޮށް އޭނާ ހައްޔަރުކޮށް ދަބަހުން މަސްތުވާތަކެތި ނަގަނިކޮށް ވަނީ ދައްކާފައެވެ.
ހައްޔަރުކޮށް، 2019ވަނަ އަހަރު، 8 އަހަރާއި 8 މަހަށް ޖަލަށް ހުކުމްކޮށް، އަދި ޖޫރިމާނާވެސް ކޮށްފައިވާ ޓެރޭޒާ ލުކޯވާ ބުނެފައިވަނީ އޭނާގެ ފޮށިން ފެނިފައިވާ ޑްރަގަކީ ކޮންމެވެސް މީހަކު އޭނާގެ ފޮށްޓަށް ލާފައިވާ މަސްތުވާތަކެތި ކަމުގައެވެ.
އަދި އޭނާވަނީ 2019ވަނަ އަހަރު ހުކުމް އިސްތިއުނާފްވެސް ކޮށްފައެވެ.
"ގާނުނީ ވަކީލުގެ ފަރާތުން ލިބިފައިވާ މައުލުމާތުތަކުން ޔަގީންކޮށް ދަންނަވަން އެގޭ، އިންތިއުނާފީ ކޯޓުން ޓެރޭޒާ ލުކޯވާ މިނިވަން ކުރުމަށް އަމުރު ކޮށްފައިވާކަން،" ޗެކް ރިޕަބްލިކްގެ ފޮރިންގ މިނިސްޓްރީން ކޮށްފައިވާ ޓުވީޓެއްގައި ބުނެފައި ވެއެވެ.
"ކޯޓުގެ ހުކުމަށް އަމަލު ކުރުން ތަންފީޒުކޮށް، ކުރިޔަށް އޮތް މަދު ދުވަސްކޮޅެއްގެ ތެރޭގައި އޭނާ ޖަލުން ދޫކުރެވޭނެ،" މި ޓުވީޓުގައި އިތުރަށް ބުނެފައި ވެއެވެ.
ޕާކިސްތާނަކީ، އަފްއާނިސްތާނުން، މެދުތެރޭ އޭޝިއާއާއި، ޔޫރަޕާއި އަދި އުތުރު އެމެރިކާއަށް ޑަރްގް ޓެފިކް ކުރުމަށް ބޭނުންކުރާ ރޫޓެކެވެ.
