އިގިރޭސި ވަލީ އަހުދު ޗާލްސްގެ ދަރިކަލުން 'ދަ ޑިއުކް އޮފް ކޭމްބްރިޖް' ޕްރިންސް ވިލިއަމް މިއަހަރުގެ އެޕްރިލްމަހު ކޯވިޑް19 އަށް ޕޮޒިޓިވް ވެފައިވާކަން ހާމަ ވެއްޖެއެވެ.
ބެލޭވޭ ގޮތުގައި ޕްރިންސް ވިލިއަމް ކޯވިޑް19 އަށް ޕޮޒިޓިވް ވެފައިވަނީ އޭނާ ބައްޕާފުޅު ޕްރިންސް ޗާލްސްއަށްވެސް ކޯވިޑް ޖެހުނު ތަނާކަހަލަ ގޮތަކަށެވެ.
މި ޚަބަރު އެންމެ ފުރަތަމަ ރިޕޯޓު ކޮށްފައި ވަނީ އިގިރޭސިވިލާތުގެ ސަން މަޖައްލާއިންނެވެ. މިނޫހުގައި ލިޔެފައިވާ ގޮތުގައި ޕްރިންސް ވިލިއަމް، 38، އަށް ކޯވިޑް ޖެހުނުކަން އެންމެ ފުރަތަމަ އޮތީ ސިއްރުކުރެވިފައެވެ. ސަބަބަކީ އޭނާގެ ބައްޕާފުޅު ކޯވިޑަށް ޕޮޒިޓިވް ވެފައި ވަނިކޮށް ޕްރިންސް ވިލިއަމް ކޯވިޑަށް ޕޮޒިޓިވުމުން އެޚަބަރާއެކީ މުޅި ގައުމު ކުއްލި ސިހުމެއްގެ ތެރެއަށް ދާނެކަމަށް ޝާހީ އާއިލާއިން ގަބޫލުކުރާތީއެވެ.
ޕްރިންސް ވިލިއަމްގެ ގެކޮޅު އަދި އޮފީސް ކަމުގައިވާ ކެންސިންގޓަން ޕެލަސްއިން މިޚަބަރާއި ގުޅޭގޮތުން ރަސްމީކޮށް އެއްވެސް މައުލޫމާތެއް އަދި ހާމަކުރާކަށް ބޭނުމެއް ނުވެއެވެ.
އިގިރޭސި ވިލާތުގެ ސަން މަޖައްލާއިން ހާމަ ކޮށްފައިވާ ގޮތުގައި ޕްރިންސް ވިލިއަމް ކޯވިޑް19 އަށް ޕޮޒިޓިވް ވިކަން އޭނާ އެއްވެސް ފަރާތަކާއި ހިއްސާ ކޮށްފައެއް ނުވެއެވެ. ސަބަބީ އެ ދުވަސްވަރު އޭނާގެ ހަޔާތުގައި މުހިން ކަންތައްތަކެއް ހިގަމުން ދިއުމާއި އަދި އޭނާގެ ބަލިހާލުގެ ސަބަބުން އެހެން އެއްވެސް މީހަކު ބުރައެއް އުފުލަށް އޭނާ ބޭނުން ނުވުމެވެ.
ކޯވިޑް19 އަށް ޕްރިންސް ވިލިއަމް ޕޮޒިޓިވް ވުމާއިއެކު އޭނާއަށް ފަރުވާ ކޮށްފައިވަނީ ޝާހީ ގަޑުވަރުގެ ޑޮކްޓަރުންނެވެ. އަދި ޕޮޒިޓިވް ވުމާއިއެކު، އެގައުމުގެ ސިއްޙީ އިދާރާތަކުން އާންމުކޮށްފައިވާ ގައިޑްލައިންތަކަށް ފުރިހަމަޔަށް އަމަލުކޮށް، އަދި ގައިޑްލައިންތަކާއި އެއްގޮތަވާ ގޮތުގެމަތިން އޭނާވަނީ އައިސޮލޭޓް ވެވަޑައިގެންފައެވެ.
މަސްރަޙު ދިރާސާކުރާ ފަރާތްތަކުން މަޢޫލޫމާތު ދޭގޮތުގައި ޕްރިންސް ވިލިއަމްއަށް ކޯވިޑް ޖެހިވަޑައިގަތްކަން ޝާހީ ގަޑުވަރުން އެވަގުތު ހާމަކޮށްފައި ނުވަނީ އެދުވަސްވަރު ގައުމުގެ ހާލަތު އޮތްގޮތުން، މުޅިގައުމުގައި އިތުރު ކަންބޮޑުވުންތަކެއް އުފެދިގެން ދިއުމުގެ ފުސުތު ނުދިނުމަށެވެ.
ޝާހީ ޢާއިލާގެ މެމްބަރުންގެ ޒާތީ މައުލޫމާތު ޝާހީ ގަޑުވަރުން ހާމަކުރުމަކީ އާންމު ކަމެއް ނޫނެވެ.
ޕްރިންސް ވިލިއަމަށް ކޯވިޑް ޖެހިވަޑައިތްކަމަށް ބުނެވޭ މިދުވަސްވަރު އެނާ ވަނީ ގޭގައި ހުންނަވާއިގެން 14 ފަހަރެއްގެމަތިން ފޯނު މެދުވެރިކޮށް އޯޑީއޯ އަދި ވީޑިއޯ ކޯލް ކުރައްވާފައެވެ. މިގޮތުން އެޕްރިލް މަހުގެ ކުރީކޮޅު ޕްރިންސް ވިލިއަމާއި އޭނާގެ އަބިކަބަލުން ވަނީ ވީޑިއޯ ކޯލް މެދުވެރިކޮށް އެގައުމުގެ ބާންލީގައި ހުންނަ ޕްރައިމަރީ ސްކޫލެއްގައި މަސައްކަތްކުރާ މުވައްޒަފުންގެ ކުދިންނާއި ވީޑިއޯ ކޯލް މެދުވެރިކޮށް ވާހަކަ ދައްކާފައެވެ.
ޕްރިންސް ވިލިއަމްގެ ބައްޕާފުޅު ޕްރިންސް ޗާލްސަށް ކޯވިޑް ޖެހިވަޑައިގަތީ މިއަހަރުގެ މާރޗް މަހުއެވެ. ކޯވިޑަށް ޕޮޒިޓިވްވެ އަލާމާތްތައް ފެންނަން ފެށުމާއެކު ޗާލްސްވަނީ 7 ދުވަސް ވަންދެން އެގައުމުގެ ސްކޮޓްލޭންޑުގައި އަމިއްލައަށް އެކަހެރި ވެވަޑައިގެންފައެވެ. އަދި ޗާލްސްގެ އަބިކަބަލުން ކޯވިޑް19 އަށް ނެގެޓިވްވި ކަމުގައިވި ނަމަވެސް، އެކަމަނާވެސް 14 ދުވަސް ވަންދެން އައިސޮލޭޓް ވެވަޑައިގެންނެވިއެވެ.
ޕްރިންސް ޗާލްސް، 71، ފަހުން ވިދާޅުވެފައިވަނީ އެމަނިކްފާނަށް ކޯވިޑް ޖެހިވަޑައިގަތް ނަމަވެސް، ބަލިން ރަގަޅުވެގެން ދިޔައީ ނުހަނު ފަސޭހަކަމާއި އެކުއެވެ.
ޕްރިސް ވިއަލްމްއަކީ ޕްރިންސް ޗާލްސްއަށްފަހު ދެން އެބޭފުޅަކަށް އިގިރޭސި ވިލާތުގެ ރަސްކަން ނަކަލުވެގެންދާނެ ބޭފުޅާއެވެ.
