ބޮލީވުޑް ސުޕަރ ސްޓަރ އަޖޭ ދޭވްގަން އާއެކު ރާއްޖޭގައި ޝޫޓްކުރި، ބެއާ ގްރިލްސްގެ މަޝްހޫރު ޝޯވް "އިން ޓު ދަ ވައިލްޑް"ގެ އެޕިސޯޑު އަންނަ ހުކުރު ދުވަހު ޑިސްކަވަރީ ޕްލަސް އިންޑިއާގެ އޮންލައިން ޕްލެޓްފޯމްގައި ޕްރިމިއަރ ކުރުމަށް ނިންމައިފިއެވެ.
މިދިޔަ ސެޕްޓެމްބަރު މަހު ރާއްޖޭގައި ޝޫޓްކޮށްފައިވާ މި އެޕިސޯޑް މިމަހުގެ 25 ވަނަ ދުވަހު ޑިސްކަވަރީ ޗެނަލުން ގެނެސްދިނުމަށްވެސް ވަނީ ނިންމާފައެވެ.
"އިން ޓު ދަ ވައިލްޑް" ޝޯވއިން މީގެ ކުރިންވެސް ބޮލީވުޑްގެ ތަރިން ކަމުގައިވާ ސައުތުގެ މެގަސްޓަރ ރަޖްނީ ކާންތާއި، އަކްޝޭ ކުމާރުގެ އިތުރުން އިންޑިއާގެ ބޮޑުވަޒީރު ނަރެއްދުރަ މޯދީ ވެސް ފެނިގެންގޮސްފައި ވެއެވެ.
މި ޝޯވް ގައި، ހޯސްޓާއި އެކު ޝޯވ ގައި ބައިވެރިވާ ގެސްޓް ބިރުވެރި ގަސްބޯ ޖަންގަލީގައި ސަލާމަތް ވުމަށް ބޭނުން ކުރާ އުކުޅުތަކާއި ސަލާމަތް ވާނެ ގޮތް ދައްކުވައިދެއެވެ.
View this post on Instagram
އަޖޭ އާއެކު ރާއްޖޭގައި ނަގާފައިވާ "އިން ޓު ދަ ވައިލްޑް" އެޕިސޯޑްގައި ފެނިގެންދަނީ ރާއްޖޭގެ ކަނޑުގެ ތަކާއި ބައެއް ފަޅުރަށްރަށުގައި މޫސުން ގޯސް ދުވަސްތަކެއްގައި މިޔަރު ފަދަ ނުރައްކާތެރި މަސްމަހާމެއްސާއެކު ސަލާމަތް ވުމަށް ކުރާ މަސައްކަތްތަކެވެ.
"އިން ޓު ދަ ވައިލްޑް" އަކީ ޑިސްކަވަރީ ނެޓްވޯކުން ގެނެސްދޭ ބެލުން ތެރިންގެ މެދުގައި ވަރަށް މަގުބޫލު އެޑްވެންޗަރ ޝޯވ އެކެވެ.
