މިއަހަރުގެ ފަހު ދައުރުގައި ސަރުކާރުން ފޮނުވާނެކަމަށް ބުނި 32 ބިލު މިދައުރުގައި މަޖިލީހަށް ލިބޭނެކަމަށް ލަފާ ނުކުރެވޭ ކަމުގައި މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގެ މިއަހަރުގެ ފަހު ދައުރަށް ސަރުކާރުން ވަނީ 32 ބިލެއް ހުށަހެޅުއްވާނެކަމަށް ބުނެފައެވެ. ނަމަވެސް މިހާތަނަށް މަޖިލީހަށް ހުށަހަޅާފައިވަނީ 8 ބިލެކެވެ. މަޖިލިސްގެ މަސައްކަތްތައް ކޮންމެ ދުވަހަކުވެސް ކުރާނެ މަސައްކަތެއްނެތި ކުރީ ބައިގައި ނިންމަންޖެހޭތީ މަޖިލިސް ރައީސް ވިދާޅުވީ ސަރުކާރުން ހުށަހެޅުމަށް ގަސްތުރި 32 ބިލު މިދައުރުގައި ލިބޭނެކަމަށް ލަފާ ނުކުރެވޭކަމަށެވެ.
ނަަވެސް ސަރުކާރުން ހުށަހެޅި ބިލްތަކުގެ މަސައްކަތްތައް ކޮމެޓީތަކުގައި ވަރަށް ބާރަށް ކުރިއަށް ދާކަމަށެވެ. އޭގެ ތެރެއިން ހެއްކާއި ބެހޭ ބިލާއި، މަދަނީ އިޖުރާތު ބިލުގެ މަސައްކަތް ޖުޑީޝަރީ ކޮމެޓީން ވަރަަށް ބާރަށް ކުރިއަށްދާކަމަށް މަޖިލިސް ރައީސް ވިދާޅުވިއެވެ.
32 ބިލު ހުށަހެޅުމަށް، ސަރުކާރުން ލަފާކުރި. މިބިލްތައް މިދައުރުގައި ލިބޭނެކަމަށް އަޅުގަނޑަށް ލަފާ ނުކުރެވޭ. ލިބިފައިވާ ބިލުތަކުގެ މަސައްކަތް ވަރަށް ބާރަށް ކުރިއަށްދޭ. ހެއްކާއި ބެހޭ ޤާނޫނުގެ ބިލާއި މަދަނީ އިޖުރާތުގެ ޤާނޫނުގެ މަސައްކަތް ޖުޑީޝަރީ ކޮމެޓީން ކުރިއަށްދޭ.
– މަޖިލިސް ރައީސް ވިދާޅުވިއެވެ.
މަޖިލީހުގެ ގަވާއިދު ބުނާގޮތުން ކޮންމެ މަޖިލީހުގެ ކޮންމެ ދައުރެއް ފެށުމުގެކުރިން، އެ ދައުރަކަށް ސަރުކާރުން ރައްޔިތުންގެ މަޖިލީހަށް ފޮނުވަން ގަސްތުކުރާ ބިލުތަކުގެ ލިސްޓެއް ސަރުކާރުން މަޖިލީހަށް ފޮނުވަންވާނެކަމަށެވެ. އަދި އެލިސްޓު މެމްބަރުންނާއި ހިއްސާކުރަންވާނޭކަމަށްވެސް ގަވާއިދުގައިވެއެވެ. މިގޮތުން މިދައުރުގައި 32 ބިލެއް ހުށަހެޅުމަށް އޭޖީ އޮފީހުން ވަނީ ލިސްޓެއް މަޖިލީހަށް ފޮނުވާފައެވެ.
ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރަށް ސަރުކާރުގެ ފަރާތުން ހުށަހެޅަން ޤަޞްދުކުރާ ބިލުތައް https://t.co/p9phNjLLzt pic.twitter.com/QFdZxSuPkv
— AG Office Maldives (@AGOmv) August 16, 2021
މަޖިލީޙުގެ ގަވާއިދުގެ ދަށުން ފޮނުވަންޖެހޭ ބިލުތަކުގެ ލިސްޓް ފޮނުވާފައިވާއިރު، އޭގެތެރޭގައި މުހިއްމު ބިލުތަކެއް ހިމެނެއެވެ. އޭގެތެރޭގައި ހެއްކާއިބެހޭ ބިލާއި، އަބުރާބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދޭ ބިލާއި، މޯލްޑިވްސް މީޑިއާ އެންޑް ބްރޯޑްކާސްޓިންގ އޮތޯރިޓީގެ ބިލާއި، ޑިޕްލޮމެޓިކް އިމްތިޔާޒުގެ ބިލުވެސް ހިމެނެއެވެ. މީގެ އިތުރުން ބައެއް ޤާނޫނުތަކަށް އިސްލާހު ގެނައުމަށް ހުށަހަޅާފައިވާ ބިލުތައްވެސް ސަރުކާރުން ފޮނުއްވި ލިސްޓުގައި ހިމެނެއެވެ.
