2020ވަނަ އަަހަރު ދުނިޔޭގައި ފެތުރެންފެށި ކޯވިޑްގެ ނުރައްކަލުން ސަލާމަތްވުމަށް އެޅި ފިޔަވަޅުތަކާއެކު، މައްކާގައި ހުންނަ މަޖިސުލް ހަރަމް އަދި މަދީނާގައި ހުންނަ މަސަޖިދު އައްނަބަވީވެސް، އަލުކަން ކުރާ މީހުންނަށް ބަދުކޮށް، އަދި އޭގެ ފަހުން މި ދެ މިސްކިތުގައިވެސް އަޅުކަން ކުރެވޭ މީހުންގެ އަދަދު ވަކި މިންގަޑުތަކެއްގައި ހިފެހެއްޓުމަށްފަހު، ކޯވިޑް ކޮންޓްރޯލް ކުރުމަށް މިހާރު އަޅާފައިވާ ފިޔަވަޅުތަކާ އެކު، ކުރިއެކޭވެސް އެއްގޮތަށް، މިމަހުގެ 17ވަނަ ދުވަހުން ފެށިގެން މި ދެމިސްކިތް ހުޅުވާލުމަށް ނިންމާފައިވާކަން، ޖެނެރަލް ޕްރެސިޑެންޓް އޮފް ދަ އެފެއާޒް އޮފް ދަ ގްރޭޑް މޮސްކު އެންޑް ދަ ޕްރޮފެޓްސް މޮސްކު، ޝެއިޚް ޑރ. އަބުދުއްރަހުމާން އަލް ސައުދީ ހުކުރު ދުވަހު އިއުލާން ކުރައްވައިފިއެވެ.
އޭނާ ވިދާޅުވި ގޮތުގައި މި ހަފްތާގެ އާދީއްތަ ދުވަހުން ފެށިގެން ދެ މިސްކިތަށް އަޅުކަން ކުރަން ދާ ފަރާތްތަކާއި އަދި ޒިޔާރަތް ކުރާ ފަރާތްތަކަށްވެސް، މިނިސްޓްރީ އޮފް އިންޓީރިއައިން ކޯވިޑް ކޮންޓްރޯލް ކުރުމަށް އާންމު ކޮށްފައިވާ ސިއްޚީ ފިވަޅުޔަތަކާއި އެއްގޮތްވާ ގޮތުގެމަތިން، ވަކި އަދަދަކަށް ބެލުމެއްނެތި، ކުރިއެކޭވެސް އެއްގޮތަަށް ދެމިސްކިތަށްވެސް ވަނުމުގެ ފުރުސަތު ހުޅުވާލެވޭނެއެވެ.
އަދި އަލް ސައުދީ ވަނީ، ދެ މިސްކިތަށްވެސް ޒިޔާރަތްކުރާ ފަރާތްތަކުން މުވައްސަސާތަކުން އާންމު ކޮށްފައިވާ ފިޔަވަޅުތައް ތަންފީޒު ކުރުމަށް އެއްބާރު ދިނުމަށް އެދިވަޑައިގެންފައެވެ. އަދި އަޅުކަން ކުރަމުންދާއިރުވެސް، އަޅާފައިވާ ފިޔަވަޅުތަކަށް ބޯލަބަމުން ދިއުމަށްވެސް އޭނާވަނީ އިލްތިމާސް ކޮށްފައެވެ.
ސައުދީ ސަރުކާރުންވަނީ، ފާއިތުވި އޮގްސްޓުމަހުގެ 9 ވަނަ ދުވަހުން ފެށިގެން، ކޯވިޑް19ގެ ވެކްސިން ފުރިހަމަ ކޮށްފައިވާ، ގައުމުން ބޭރުގެ މީހުންނަށްވެސް އުމްރާއަށް ދިއުމުގެ ހުއްދަ ދޭން ފަށާފައެވެ. މިހުއްދަ ސައުދީ ސަރުކާރުން ދޫކުރަން ފަށާފައިވަނީ، މުޅި ދުނިޔޭގައި ފެތުރެންފެށި ކޯވިޑް19ގެ އާލަމީ ވަބާއާއި ގުޅިގެން، 18 މަސްދުވަސް ވަންދެން އެގައުމުގެ ބޯޑަރުތައް ބަންދު ކޮށްފައި ބޭއްވުމަށް ފަހުއެވެ.
މުޅި ދުނިޔޭގައި ފެތުރެންފެށި ކޯވިޑްގެ ނުރައްކާތެރި ވަބާގެ ސަބަބުން، ހައްޖާއި އުމްރާގެ އަޅުކަމަށް ސައުދީއަށް މީހުންނަށް ދަތުރު ކުރެވޭގޮތް ނުވެ، ސައުދީއަށް އާދަނީ ވަންނަ އެންމެ މުހިންމު މިވަސީލަތުން އެގައުމަށް ލިބެމުން އައި އާމްދަނީ އެއްކޮށް ކަހަލަ ގޮތަކަށް ވަނީ ހުއްޓުމަކަށް އައިސްފައެވެ. މި ދެ އަޅުކަމުގެ ވަސީލަތުން ސައުދީއަށް އަހަރަކު 12 ބިލިއަން ޑޮލަރުގެ އާމްދަނީއެއް ލިބެއެވެ.
