ސޯޝަލް މީޑިއާގައި ދެމަސްދުވަސް ވަންދެން ޕޯސްޓް ނުކުރުމަށް ޝަރުތުކޮށް ޓިކްޓޮކްގައި ބަރަހަނާވި މުހައްމަދު ނަބީލް، 36، ދޫކޮށްލައިފިއެވެ.
ޓިކްޓޮކްގައި ބަރަހަނާ ވީޑިއޯއެއް އާންމުކޮށްގެން ނަބީލް (ޔާޔާ) ހައްޔަރުކޮށްފައިވަނީ އޭނާ އެ ވީޑިއޯ އާންމުކުރިތާ އެއްދުވަސްފަހުން މިދިޔަ މަހުގެ 11ވަނަ ދުވަހުއެވެ. އަދި އޭނާ މަހަކަށްވުރެ ގިނަ ދުވަހު ބަންދުގައި ބަހައްޓާފައިވަނީ، މުޖުތަމައުގެ ސަލާމަތަށް ނުރައްކާ ވެދާނެތީ އާއި ހެކި ނައްތާލަފާނެ ކަމަށް ބެލެވޭތީއެވެ.
އޭނާގެ މައްޗަށް ތުހުމަތުކޮށްފައިވަނީ އޮރިޔާން ކާޑު ހެދުމުގެ ތުހުމަތެވެ. އޭނާ ބަންދުން ދޫކޮށްލީ ޝަރުތުތަކާއެކުކަމަށް ކްރިމިނަލް ކޯޓުން ވަނީ ބުނެފައެވެ. އެނގިފައިވާގޮތުގައި އޭނާ ބަންދުން ދޫކޮށްލީ ސޯޝަލް މީޑިއާގައި ދެމަސްދުވަސް ވަންދެން އެއްވެސް ޕޯސްޓެއް ނުކުރުމަށް ޝަރުތުކޮށްފައެވެ.
އޭނާ ހައްޔަރުކޮށް މުއްދަތު ޖެހުމަށް ކޯޓަށް ޙާޒިރުކުރުމުން އޭނާ ވަޖނީ ބަރަހަނާ ވީޑިއޯ ހަދާފައިނުވާނެކަމަށް ބުނެފައެވެ. އޭނާ ބުނެފައިވަނީ ޓިކްޓޮކަށް 3 މިނެޓްގެ ވީޑިއޯއެއް ލާފައިނުވާނެކަމަށާއި، ލެވުނީ 60 ސިކުންތުގެ ވީޑިއޯއެއްކަމަށެވެ. އަދި އޭނާގެ މައްޗަށް ތުހުމަތުކުރާ ކަންކަމަކީ އޭނާ ބޭޒާރުކުރުމަށް އޭނާގެ މޫނު ބޭނުންކޮށްގެން ކުރި ކަމެއްކަމަށްވެސް ނަބީލް ބުނެފައިވެއެވެ.
ޝަރީޢަތުގައި ފުލުހުން ވަނީ ނަބީލް ބަރަހަނާ ވީިއރު ލާފައިހުރި އަންނައުނު އޭނާގެ ކޮޓަރިން ފެނުނުކަމަށް ބުނެފައެވެ.
