ބަންގްލަދޭޝްގައި ރޮހިންގްޔާ މުސްލިމް ރެފިއުޖީންނަށް ގާއިމްކޮށްފައިވާ ރެފިއުޖީ ކޭމްޕުގައި ދިރިއުޅެމުންދިޔަ މުސްލިމް ރެފިއުޖީންގެ ލީޑަރު މުހީބުﷲ، ކާކުން ނޭގޭ މީހަކު ބަޑިން ހަމަލާ ދީ މަރާލައިފިއެވެ.
މުހީބުﷲ އަކީ، އަރަކަން ރިހިންގޔާ ސޮސައިޓީ ފޯރ ޕީސް އެންޑް ހިއުމަން ރައިޓްސް (ARSPH)ގެ ޗެއަރަމަންއެވެ.
އުމުރުން 46 އަހަރުގެ މުހީބުﷲ މަރާލާފައިވަނީ، ބަންގްލަދޭޝްގައި، މިޔަންމާއިން ބޭރު ކޮށްފައިވާ ރޮހިންގޔާ މުސްލިމުން ތިބުމަށް ބަންގްލަދޭޝަގެ ކޯއެކްސް ބާޒާރުގެ ކުޓުޕަލޮންގ ރިފިއުޖީ ކޭމްޕްގައި ހުއްޓައެވެ.
މިޔަންމާއިން ބޭރުކޮށްގައިވާ މިލިއަނެއްހާ މުސްލިމް ރެފިއުޖީންގެ ލީޑަރެއްގެ ގޮތުން މުހީބުﷲ ވަނީ ފާއިތުވެދިޔަ ތަނުގައި، މިޔަންމާގެ އަސްކަރިއްޔާއިން ރޮހިންގޔާ މުސްލިމުންނާ ދެކޮޅަށް ހިންގާފައިވާ ލާއިންސާނީ ޖަރީމާތައް ބަޔާންކޮށް ތަފާތު ޑޮކިއުމަންޓްތައް ތައްޔާރުކޮށް، ރެފިއުޖީންގެ ހައްގުތަކާއި ގުޅޭގޮތުން ބައިނަލްއަގުވާމީ ފޯރަމްތަކުގައި ވަކާލާތުވެސް ކޮށް ހަދާފައެވެ.
އަދި އޭނާ ކުރަމުން އައި މިމަސައްކަތްތަކާ ގުޅިގެން ފަހަކަށް އައިސް އޭނާއަށްވަނީ މަރުގެ އިންޒާރުތައް އައިސްފައެވެ.
"މުހީބުﷲ އަކީ، ރޮހިންގޔާ ކޮމިއުނިޓީގެ ވަރަށް މުހިން އަޑެއް. އަދި އޭނާ ވަނީ، ރޮހިންގޔާ މުސްލިމް ރެފިއުޖީން ބަންގލަދޭޝްއަށް ހިޖުރަ ކުރުމަށްފަހު ހީވެސް ނުކުރާވަރު ގޮންޖެހުންތަކާއި ދަތި އުދަގޫތައް ތަހައްމަލް ކޮށްފައި،" ސައުތު އޭޝިއާ ޑިރެކްޓަރ އެޓް ހިއުމްނަ ރައިޓްސް ވޮޗް މީނަކްޝި ގެންގްލީ ވިދާޅުވެފައި ވެއެވެ.
ރޮހިންގޔާ މުސްލިމް ލީޑަރު މަރާލި ބަޔަކު ހޯދުމަށް ޚާއްސަ ތަހުގީގެއް ހިންގުމަށް އެމެރިކާއާއި އަދި އެނޫނަސް އިންސާނީ ހައްގުތަކަށް ގޮވާލާ ފަރާތްތަކުންދަނީ ބަންގަލަދޭޝް ސަރުކާރަށް ގިވާލަމުންނެވެ.
