"މިނިވަންކަމުގެ ދިފާޢުގައި ދިވެހީން" މި ނަމުގައި އިދކޮޅު ޕްރޮގްރެސިވް ކޮންގްރެސް ކޯލިޝަނުން މިދިޔަ ހުކުރު ދުވަހު ބާއްވަން މަސައްކަތްކުރި ޖަލްސާ އަންނަ ބުރާސްފަތި ދުވަހުގެ ރޭ ބާއްވާގޮތަށް ނިންމައިފިއެވެ.
ކުރިން މިދިޔަ ހުކުރު ދުވަހުގެ ރޭ ބޭއްވުމަށް ނިންމި ޖަލްސާ ފަސްކޮށްފައިވަނީ މޫސުން ގޯސްވުމުގެ ސަބަބުންނެވެ. އަންނަ ބުރާސްފަތި ދުވަހުގެ ރޭ ކާނިވާ ސަރަހައްދުގައި ބޭއްވުމަށް ނިންމާފައިވާ ޖަލްސާއާއި ގުޅޭގޮތުން ޕީޕީއެމް އޮފީހުގައި އޮތް ނޫސްވެރިންގެ ބައްދަލުވުމުގައި، ޕްރޮގްރެސިވް ކޯލިޝަންގެ ހަރަކާތު ކޮމިޓީގެ މުޤައްރިރު އަދި ޕީއެންސީގެ ނައިބުރައީސް އިބްރާހީމް ޝުޖާޢު ވިދާޅުވީ، "މިނިވަންކަމުގެ ދިފާޢުގައި ދިވެހީން" ނަމުގައި ފެށި ހަރަކާތަކީ ރާއްޖޭގެ އިސްތިޤުލާލާއި މިނިވަންކަމާއި އިސްލާމްދީން ނެގެހެއްޓުމަށް ކުރިއަށް ގެންދާ ހަރަކާތްތަކެއްކަމަށެވެ. ޝުޖާޢު ވަނީ ވީހާވެސް ގިނަބަޔަކު އެ ހަރަކާތުގައި ބައިވެރިވުމަށް ގޮވާލައްވާފައެވެ.
މިނިވަންކަމުގެ ދިފާޢުގައި ދިވެހިން،މި ނަމުގައި ޕްރޮގްރެސިވް ކޮންގްރެސް ކޯލިޝަންގެ ފަރާތުން ބާއްވާ ޚާއްޞަ ޖަލްސާއެއް އަންނަ ބުރާސްފަތި ދުވަހުގެ ރޭ(30 ސެޕްޓެމްބަރ2021މ.ދުވަހުގެ ރޭ)ކާނިވާ ސަރަޙައްދުގައި އޮންނާނެ.ދިވެހި ލޮބުވެތި ރައްޔިތުން މި ޖަލްސާއަށް ވަޑައިގެން ދެއްވާ! pic.twitter.com/hOsTnWopuz
— Abdul Raheem Abdulla (@Banafsaa) September 27, 2021
އިދިކޮޅު ކޯލިޝަނުން ފެއްސާއި، ރަތާއި، ހުދު ބޭނުންކޮށް ޤައުމީވަންތަ ގޮތަކަށް ޖަލްސާ ބޭއްވުމަށް ކާނިވާ ސަރަހައްދުވެސް ތައްޔާރުކުރިއެވެ. ނަމަވެސް ވިއްސާރަވުމުން އެ ޖަލްސާ ކެންސަލްކުރީއެވެ.
ސަރުކާރުގެ ސިޔާސަތުތަކަށް ފާޑު ވިދާލުވެ އިދިކޮޅުން ބާއްވާ ހަރަކާތުގައި ފަހަކަށް އައިސް ގިނަ ބަޔަކު ދަނީ ބައިވެރިވަމުންނެވެ. އަދި އިދިކޮޅުގެ ހަރަކާތްތައްވެސް ވަނީ ވަރަށް ބޮޑަށް އިތުރުކޮށްފައެވެ.
ކޮމެންޓު ފޮނުވާ