އިންޑިއާގެ ފަތުރުވެރިން އަންނަނީ ރާއްޖޭގެ ފަތުރުވެރިކަމަށް ކޮވިޑް-19 އިން ލިބުނު ގެއްލުމުނުް އަރައިގަތުމުގައި ބޮޑު ދައުރެއް އަދާކުރަމުންކަމަށް ރާއްޖޭގައި ހުންނަ އިންޑިއާ ހައިކޮމިޝަނުން ބުނެފިއެވެ.
މިއަދު ފާހަގަކުރާ ފަތުރުވެރިކަމުގެ ދުވަހުގެ މުނާސަބަތުގައި ތަހުނިޔާ ކިޔަމުން އިންޑިއާ ހައިކޮމިޝަނުން ބުނީ، ރާއްޖެ މިވަނީ ބޮލީވުޑްގައި ކުރިއަށްވުރެ މަޝްހޫރު މަންޒިލަކަށް ވެފައިކަމަށެވެ. އަދި އިންޑިއާގެ ފަތުރުވެރިން އަންނަނީ ރާއްޖޭގެ ފަތުރުވެރިކަމަށް ކޮވިޑް-19 އިން ލިބުނު ގެއްލުމުނުް އަރައިގަތުމުގައި ބޮޑު ދައުރެއް އަދާކުރަމުންކަމަށް ހައިކޮމިޝަނުން ބުންޏެވެ.
އިންޑިއާގެ ފަތުރުވެރިން އަންނަނީ ރާއްޖޭގެ ފަތުރުވެރިކަމަށް ކޮވިޑް-19 އިން ލިބުނު ގެއްލުމުނުް އަރައިގަތުމުގައި ބޮޑު ދައުރެއް އަދާކުރަމުން.އަދި ރާއްޖެ މިވަނީ ބޮލީވުޑްގައި ކުރިއަށްވުރެ މަޝްހޫރު މަންޒިލަކަށް ވެފައި.ފަތުރުވެރިކަމުގެ ދުވަހުގެ ތަހުނިޔާ ހުރިހާ ބޭފުޅުންނަށް އަރުވަން! pic.twitter.com/6Sy9WN53x8
— India in Maldives (@HCIMaldives) September 27, 2021
އިންޑިއާއަކީ ކޯވިޑުގެ ފަހުން ރާއްޖެއަށް އެންމެ ގިނަ ފަތުރުވެރިން އަންނަ މާކެޓެވެ. އެގޮތުން މިމަކެޓު މިހާރުވެސް ރާއްޖޭގެ ފަތުރުވެރިކަމުގެ %22.7 ހިއްސާ ކުރެއެވެ. ރާއްޖެއަށް މިއަހަރު މިހާތަނަށް އިންޑިއާގެ އިތުރުން ދުނިޔޭގެ އެކި ކަންކޮޅުތަކުން 830،000 އަށް ވުރެ ގިނަ ފަތުރުވެރިން ވަނީ ޒިޔާރަތް ކޮށްފައެވެ.
ފަތުރުވެރިން ރާއްޖޭގައި ހޭދަކުރާ ރޭގެ އަދަދަށް ބަލާއިރު، މިއަހަރު ފަތުރުވެރިކަން އެންމެ ރަނގަޅު ހާލަތުގައި މިއަދަދު ހުންނާނީ 7.5 މިލިއަންގައި ކަމަށްވަނީ ލަފާކޮށްފައެވެ. އަދި އަންނަ އަހަރު ރާއްޖޭގެ ފަތުރުވެރިކަން އެންމެ ރަނގަޅުވެގެންދާ ހާލަތުގައި ފަތުުރުވެރިން ހޭދަކުރާ ރޭގެ އަދަދު 10 މިލިއަނަށް އަރާނެ ކަމަށްވެސް ވަނީ ލަފާކޮށްފައެވެ.
ކޮމެންޓު ފޮނުވާ