ޒަމާންވީ ޑްރާމާ ސީރީޒް "ޔޭ ތިޝްތާ ކިޔާ ކެހެލާތާ ހޭ"ގެ ލީޑްރޯލުން ފެނިގެން ދާ ޝިވާންގީ ޖޯޝީ އާއި މޮހޮސިން ޚާން އެ ޑްރާމާ އިން ވަކިވާން ނިންމައިފިއެވެ.
އެމީހުން އެ ޑްރާމާ އިން ފެނިގެންދާ އެންމެ ފަހު އެޕިސޯޑް ތަކުގެ ޝޫޓިން މި މަހު 8 ގައި ނަގާނެއެވެ.
ބެލުންތެރިންގެ މެދުގައި މަގުބޫލޫ ޓީވީ ޑްރާމާ ސީރީޒް "ޔޭ ރިޝްތާ ކިޔާ ކެހެލާތާ ހޭ" ފަށާފައިވަނީ 2009 ވަނަ އަހަރުއެވެ. 12 އަހަރުގެ ދިގު މުއްދަތަކަށް މި ޑްރާމާ ކުރިއަށް ގެންގޮސްފައިވާއިރު މީގެ ލީޑު ރޯލުން ފެނިގެން ގޮސްފައިވަނީ ޝިވާންގީ އާއި މޮހޮސިންއެވެ.
ރިޕޯޓްތައް ބުނާގޮތުގައި މި ދެތަރިން މި ޝޯވ އިން ވަކިވުމަށް ނިންމާފައިވަނީ "ބިގްބޮސް" ގައި ބައިވެރިވުމަށެވެ. ނަމަވެސް މި ދެތަރިންގެ ފަރާތުން މި ވާހަކައަށް އަދި އެއްވެސް ރައްދެއް ލިބިފައެއް ނުވެއެވެ.
މި ދެތަރިން އޮކްޓޯބަރު މަހުގެ 8 ގެ ފަހުން މި ޑްރާމާގެ ޝޫޓިންގައި ނުފެންނާނެއެވެ. މިއީ މި ޑްރާމާ ސިލްސިލާއިން އާންމުންގެ މަގްބޫލުކަން ލިބިފައިވާ ޖޯޑެކެވެ. އަދި މި ޖޯޑުގެ ވަރަށް ބޮޑު ފޭން ބޭސް އެއްވެސް ވަނީ އުފެދިފައެވެ. ޑްރާމާއިން ދެމީހުން ވަކިވާތީ އެމީހުންގެ ފޭނުން ތިބީ ވަރަށް ދެރަވެފައެވެ.
މޮހޮސިން މި ޑްރާމާ އިން ވަކިވުމަށް ފަހު ބޮލީވުޑްގެ ފިލްމަކުން ފެނުމަކީ އެކަށީގެން ވާކަމެކެވެ. ނަމަވެސް މި ދެމީހުންގެ ފޭނުންނަށް އުފާވެރި ހަބަރަކީ މި ދެތަރިން އެކުގައި "ބިގްބޮސް" އިން ފެނިގެން ދިއުމެވެ.
