ޑްރާމާ ސީރީޒް ތަކުން މަގުބޫލުކަން ހޯދާފައިވާ ދިޝާ ޕަރްމަރް އާއި ރާހުލް ވެއިދީ ރާއްޖޭ އައިސްފިއެވެ.
މިއީ އެމީހުންގެ ހަނީމޫން ދަތުރު ކަމުގައި ބެލެވެއެވެ.
ދިޝާ އާއި ރާހުލް ކައިވެނި ކުރީ މިދިއަ ޖުލައިމަހުގެ 16 ވަނަ ދުވަހުއެވެ. އެއަށްފަހު އެދެމީހުން ހަނީމޫނަށް އައިސްފައި މިވަނީ ރާއްޖެއަށެވެ. މި ދަތުރަކީ ހަނީމޫންގެ އިތުރުން ރާހުލްގެ އުފަންދުވަހާއި ދިމާކޮށް ކުރި ދަތުރެކެވެ.
ރާއްޖެއަކީ އިންޑިއާގެ ސްޓާރުންގެ މެދުގައި މަގުބޫލުކަން ހޯދައިފާ މަންޒިލެކެވެ. އެގޮތުން ބޮލީވުޑްގެ ގިނަ އަދަދެއްގެ ތަރިން ވަނީ ރާއްޖޭގައި ޗުއްޓީ ހޭދަކޮށްފައެވެ. އެމީހުންނަށް ރާއްޖެ މާބޮަޑަށް ކަމުދާކަން އެނގޭ ސަބަބަކީ އެއް ފަހަރަށް ވުރެ ގިނަ ފަހަރު ބައެއްތަރިން ޗުއްޓީގެ މަންޒިލެއްގެ ގޮތުގައި ރާއްޖެ އިހްތިޔާރު ކުރާތީއެވެ.
ދިޝާގެ ދެމަފިރިން ޗުއްޓީ ހޭދަކުރަމުން ދަނީ ކަނޑިންމަ ރިސޯޓުގައެވެ. އެމީހުން ވަނީ އިންސްޓަގްރާމްގައި މި ޗުއްޓީގެ ފޮޓޯތައް ހިއްސާކޮށްފައެވެ.
View this post on Instagram
ކައިވެންޏަށް ފަހު ދިޝާ އަންނަނީ ޑްރާމާ ސީރީޒް "ބަޅޭ އައްޗޭ ލަގްތޭހޭ"ގެ މަސައްކަތް ކުރަމުންނެވެ. މި ޑްރާމާއަކީ ބޭލުންތެރިންގެ މެދުގައި މަގުބޫލު ޑްރާމާއެކެވެ. ދިޝާ އާއި އެކު މި ޑްރާމާގެ ލީޑް ރޯލުން ފެނިގެން ދަނީ ނުކުލްއެވެ.
