ބަރުލަމާނީ އަކީ މިހާރު އެމްޑީޕީ މެންބަރުންގެ ފިކުރެއް ނޫންކަމަށް އެމްޑީޕީގެ ފުރަތަމަ ރައީސް އަދި އެޕާޓީ އުފެއްދުމުގައި އިސް ދައުރެއް އަދާކުރެއްވި އިބްރާހީމް އިސްމާޢީލް (އިބުރާ) ވިދާޅުވެއްޖެއެވެ.
އެމްޑީޕީގެ އެތެރޭގެ އެންމެ ބޮޑު އިންތިޚާބު އިއްޔެ ބާއްވާފައިވާއިރު، ރައީސް ނަޝީދު ވަނީ ބަރުލަމާނީއަށް ތާޢީދުކުރާ ކެނޑިޑޭޓުންނަށް ތަޢީދުކުރައްވާކަން ހާމަކުރައްވާފައެވެ. ނަމަވެސް މި އިންތިޚާބުގައި ރައީސް ނަޝިދުގެ ފެކްޝަންގެ މައްޗަށް ކުރި ހޯދީ ރައީސް ޞާލިޙްގެ ފެކްޝަނެވެ.
އެކަމަށް އިޝަރާތްކުރައްވާ އިބުރާ ވިދާޅުވީ، އެމްޑީޕީގެ މެންބަރުންގެ ވިސްނުމާއި ފިކުރު ރައީސް ނަޝީދަށްވުރެ ބޮޑަށް އެނގިވަޑައިގަންނަވަނީ އޭނައަށްކަމަށެވެ. އަދި ބަރުލަމާނީއަކީ މިހާރު އެމްޑީޕީގެ ފިކުރެއް ނޫންކަމަށްވެސް އިބުރާ ވިދާޅުވިއެވެ.
ޝުކުރިއްޔާ އެމްޑީޕީގެ މެންބަރުން. ބަރުލަމާނީއަށް ނޫނެކޭ ބުނެ، ޕާޓީއާއި ޤައުމު ނުރައްކަލުން ނެރެދެއްވީތީ އުފާކުރަން.
އިބްރާހީމް އިސްމާޢީލް
#MDP ge memberunge visnumaai fikuru adhives Anni ah vure bodah en'genee ahannah thaaeve! #barulamaanee akee mihaaru MDP memberunge fikureh nooneve!
Shukuriyya, MDP ge memberun. Barulamaanee ah noonekey bune, party aa qaumu nurakkalun neredhineethee ufaakuran.
— Professor Maverick Ibra (@ibramandhu) September 26, 2021
އެމްޑީޕީގެ އެތެރޭގެ އިންތިޚާބުގައި ރައީސް ނަޝީދާއި، ރައީސް ޞާލިހަށް ތާއީދު ކުރައްވާ ކެނޑިޑޭޓުންގެ މެދުގައި ވާދަވެރިކަން ބޮޑުވެ، އެއްބަޔަކު އަނެއްބަޔަކަށް ރައްދު ދީފައިވެއެވެ، އިންތިޚާބުގައި ރައީސް ޞަލިޙަށް ތާޢީދުކުރާ ގިނަ ބަޔަކު ވަނީ އިންތިޚާބު ކާމިޔާބުކޮށްފައެވެ.
މި އިންތިޚާބުގައި ރައީސް ޞާލިހަށް ތާއީދު ކުރާ ކެނޑިޑޭޓުން އިންތިޚާބު ކުރުމަށް ސަރުކާރުގެ ނުފޫޒާއި ބާރު ބޭނުން ކުރިކަމަށް ރައީސް ނަޝީދަށް ތާއީދު ކުރާ އެމްޑީޕީގެ އިސް ބޭފުޅުން ދަނީ ތުހުމަތު ކުރަމުންނެވެ.
ކޮމެންޓު ފޮނުވާ