ރައްޔިތުންގެ މަޖިލިހުގެ ރައީސް، އަދި ކުރީގެ ރައީސް މުހައްމަދު ނަޝީދަކީ ރައްޔިތުންގެ މަސްލަހަތުގައި ވާހަކަ ދައްކަވާ ބޭފުޅެއް ނޫންކަމަށާއި، ނަޝީދަކީ އަމިއްލަ މަސްލަހަތަށް ވާހަކަ ދައްކަވާ ބޭފުޅެއް ކަމުގައި، މަގާމުން ރިޓަޔަރ ކުރައްވާފައިވާ، ކުރީގެ އެސިސްޓެންޓް ކޮމިޝަނަރ އޮފް ޕޮލިސް ޑރ. އަބްދުﷲ ފައިރޫޝް ވިދާޅުވެއްޖެއެވެ.
ރަށް ގިރުމުން ރަށްތައް ސަލާމަތް ކުރުމަށް ބޮޑެތި ހޭދަތައް ކޮށްގެން ރިވެޓްމަންޓް ޖެހުމުގެ ބަދަލުގައި މުރަނކަ އިންދާ ހައްދައިގެން ގޮޑުދޮށްތައް ގިރުން ކުޑަ ޚަރަދަކުން ސަލާމަތް ކުރެވިދާނެކަމަށް، ނަޝީދު އުފައްދަވާފައިވާ މޯލްޑިވްސް ކޮރަލް އިންސްޓިޓިއުޓުން ކޮށްފައިވާ ދިރާސާއަކުން ދައްކާފައިވާކަން ހާމަ ކުރުމުގެ ގޮތުން ނަޝީދު ކޮށްފައިވާ ޓުވީޓަކަށް ރައްދު ދެއްވަމުން ފައިރޫޝް ވިދާޅު ވެފައިވަނީ، ނަޝީދު ވާހަކަ ދައްކަވަނީ، ރައްޔިތުންނަށް ހެޔޮ އެދިގެން ރާއްޖޭގެ ކުރީގެ ރައީސެއްގެ ހައިސިއްޔަތުން ނޫން ކަމަށާއި، އޭގެ ބަދަލުގައި މުރަކަ އިންދާ ހައްދާއިގެން ގޮޑުދޮށްތައް ހިމާޔަތް ކުރުމުގެ ވާހަކަ ނަޝީދު ދައްކަމުން ގެންދަވަނީ އަމިއްލައަށް ހައްދަވާފައިވާ ޖަމިއްޔާގެ މަސްހަލަތުގައި އަމިއްލަ ފައިދާއަަށް ކަމަށެވެ.
ތިމާވެށީގެ މައްސަލަތަކުގައި ނަޝީދު ގައުމުން ބޭރުގެ ބައެއް ފޯރަމްތަކުގައި މިހާރު ބައިވެރިވެޑައިގަންނަވަމުން ދާއިރު، ނަޝީދުވަނީ ފަރުތައް ހިމާޔަތްކުރާ ޖަމިއްޔާއެއ ނަޝީދު އިސްވެ ހުންނަވާ ރާއްޖޭގައި ވަނީ އުފައްދަވާފައެވެ. އަދި މިޖަމިއްޔާއިން ފަރުތަކާބެހޭ ދިރާސާތައް ކުރުމާއި އަދި މުރަކަ އިންދާ ހެއްދުމުގެ ބައެއް މަސައްކަތްތައްވެސް ކުރަމުންދެއެވެ.
ބައެއް ފަރާތްތަކުން ތުހުމަތު ކުރާގޮތުގައި، ތިމާވެށި ހިމާޔަތް ކުރުމަށް ނަޝީދު ބޭރު ދުނިޔޭގައި ވަކާލާތު ކުރައްވަމުން ގެންދަވާއިރު، އަމިއްލަ ޖަމިއްޔާއަށް އިސްތިހާރުކޮށް، ބޭރުގެ ޖަމިއްޔާ ޖަމާއަތްތަކުގެ އެހީތެރިކަން ހޯދުމަށް ނަޝީދު ގެންދަވަނީ މަސައްކަތް ކުރައްވަމުންނެވެ. މީގެ ތެރޭގައި، މިގޮތުން ހޯދާ މާލީ އެހީތެރިކަންވެސް ހިމެނޭކަމަށްވެސް ބައެއް ފަރާތްތަކުން ފާހަގަ ކުރެއެވެ.
ނަޝީދަކީ އަމިއްލަ ފައިދާއަށް ވާހަކަ ދައްކަވާ ބޭފުޅެއް ކަމުގައި ފައިރޫޝް ވިދާޅުވެފައި ވާއިރު، ނަޝީދު އިސްވެ ހުންނަވައިގެން، ފައިރޫޝް ފުލުހުންގެ މުވައްސަސާއިން ރިޓަޔަރ ކުރެއްވި މައްސަލަ 241 ކޮމިޓީއަށް ހުށަހަޅާ އެކޮމިޓީން ވަނީ މައްސަލަ ދިރާސާ ކޮށްވެސް ނިންމާފައެވެ.
241 ކޮމިޓީން މައްސަލަ ދިރާސާ ކުރުމަށް ފަހު އެކުލަވާލާފައިވާ ރިޕޯޓްގައި ލިޔެފައިވަނީ، ޑރ. ފައިރޫޝްގެ އަމަލުތައް ޕާލަމަންޓަރީ ރިކޯޑިންތަކުގައާއި، އާންމުވެފައިވާ އޯޑިއޯ އަދި ވީޑިއޯ ރިކޯޑިންތަކުން ފެންނަން ހުރި މަންޒަރުތަކަށް ބަލާއިރު ޝަރަފުވެރިކަމާއެކު އޭނާ ވަޒީފާއިން ރިޓަޔާ ކުރެއްވުމަށް ނިންމި ނިންމުމަކީ ބަލައިގަނެވޭނެ ކަމެއް ނޫން ކަމަށެވެ.
ރިޕޯޓްގައި ދެން ފާހަގަ ކޮށްފައިވަނީ، ކުރީގެ ރައީސް އަބްދުﷲ ޔާމީންގެ ވެރިކަމުގައި ފުލުހުންގެ ޑިސިޕްލިނަރީ ބޯޑުން ނިންމާފައިވާ ނިންމުމެވެ. ފައިރޫޝް މަގާމުން ވަކިކުރަން އޭރު ނިންމާފައިވެއެވެ. 2017 ވަނަ އަހަރު ފައިރޫޝް ފުލުހުންގެ ވަޒީފާއިން ވަކިކުރީ ސަރުކާރާ މެދު ނުބައި ތަސައްވުރެއް އުފެދޭ ގޮތަށް ވާހަކަތައް ދައްކާފައިވާތީ ކަމަށް ބުނެއެވެ.
241 ކޮމިޓީން ފައިރޫޝްގެ ރިޓަޔަރމަންޓާ ގުޅޭގޮތުން ތައްޔާރު ކޮށްފައިވާ ރިޕޯޓަށް ބަހުސް ކުރައްވަމުން އެމްޑީޕީގެ ޗެއަރ ޕާސަން ހަސަން ވިދާޅުވެފައިވަނީ، ފައިރޫޝްއަކީ ރައީސް ނަޝީދުގެ ޤާނޫނީ ވެރިކަން ވައްޓާލަން އެންމެ އިސްކޮށް ހަރަކާތްތެރިވި، އެއްބޭފުޅާކަމަށެވެ. އަމިއްލަ ފުޅަށް ފުލުހުންގެ އެންމެ އިސްމީހަކީ ތިމަންނާކަމަށްބުނެ، ހަމަނުޖެހުމަށް ނިކުތް ފުލުހުންނާއި ހަވާލުވުމަށްފަހު ފައިރޫޝް އަމަލު ކޮށްފައިވަނީ ފުލުުން އަމަލުކޮށްގެންވާނެ ގޮތަކަށް ނޫންކަމަށެވެ.
