ވާރޭ ވެހުމުގެ ސަބަބުން އައްޑޫ ސިޓީ ހިތަދޫގެ ބައެއް މަގުތަކުގައި ފެން ބޮޑުވެ އެމްއެންޑީއެފްގެ ސަދަން އޭރިއާގެ ސިފައިން ފެން ހިއްކުމުގެ މަސައްކަތް ފަށައިފިއެވެ.
އެމްއެންޑީއެފުން ބުނީ ބޯކޮށް ވާރޭވެހި ހިތަދޫގެ ބައެއް މަގުތަކުގައި ފެންބޮޑުވުމާއި ގުޅިގެން ޕަމްޕު ބޭނުންކޮށްގެން ފެން ހިއްކުމުގެ މަސައްކަތް އެމްއެންޑީއެފް ސަދަން އޭރިއާގެ ސިފައިން ފަށާފައިވާ ކަމަށެވެ.
މި ވިއްސާރައާ ގުޅިގެން އައްޑޫގެ މަގުތަކުގައި ވަނީ ވަރަށް ބޮޑަށް ފެންބޮޑުވެފައެވެ. އަދި މިހާރު ސިފައިން ވަނީ އައްޑޫގެ މަގުތަކުގައި ފެން ހިއްކުމުގެ މަސައްކަތް ފަށައިފައެވެ.
Addu City ah boakoh vaarey vehi S.Hithadhoo ge baeh maguthakugai fen boduvumaai gulhigen pump beynunkohgen, fen hiykumuge masahkaiy MNDF Southern Area ge sifain fashaifi pic.twitter.com/LmKshznU5g
— Maldives National Defence Force (@MNDF_Official) September 24, 2021
ރާއްޖޭގެ މޫސުމާއި ބެހޭ ގައުމީ އިދާރާ (މެޓް)އިން ބުނީ ރާއްޖޭގެ އެކިހިސާބަށް ވިއްސާރަ ކުރާނެ އަދި ބައެއް ރަށްތަކަށް ބޯކޮށް ވާރޭވެހި، ގުގުރުން އެކަށީގެން ވާ ކަމަށެވެ. އަދި ރާއްޖޭގެ ކަނޑުތަށް އާދައިގެވަރަކަށް ގަދަވެފައި، ވިލާގަނޑުގައި އިތުރަށް ގަދަވުން އެކަށީގެންވާ ކަމަށްވެސް ބުނެފައި ވެއެވެ. މެޓް އޮފީހުން ވަނީ ތ. އަތޮޅުން ފެށިގެން އައްޑޫ ސިޓީއާ ހަމައަށް ހުދު ސަމާލުވެސް ނެރެފައެވެ. އެ ސަމާލުގައި ބުނެފައި ވަނީ އެ ސަރަހަައްދަށް ބޯކޮށް ވާރޭވެހުމާއެކު ގުގުރުން އެކަށީގެންވާ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭ ކަމަށްވެސް މެޓް އޮފީހުން ބުނެފައި ވެއެވެ.
