ހދ.ހަނިމާދޫ ބަނދަރު ތަރައްޤީ ކުރުމަށް ބޭނުންވާ ބޮޑު ހިލަށް އެރަށަށް ގެންގޮސްފިއެެވެ.
އެމްޓީސީސީން ބުނެފައިވަނީ، ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، ގްރޮއިން ޖެހުމަށް ބޭނުންވާ ބޮޑުހިލަތައް ވަނީ 14 ސެޕްޓެމްބަރ 2021 ވަނަ ދުވަހު ޕްރޮޖެކްޓް ސައިޓަށް ގެންދެވިފައި ވާކަމަށެވެ.
ހދ. ހަނިމާދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، ގްރޮއިން ޖެހުމަށް ބޭނުންވާ ބޮޑުހިލަތައް ވަނީ 14 ސެޕްޓެމްބަރ 2021 ވަނަ ދުވަހު ޕްރޮޖެކްޓް ސައިޓަށް ގެންދެވިފައި. #MTCCProjects #RayyithungeKunfuni pic.twitter.com/ASJPju9hDu
— MTCC Plc (@MTCCPlc) September 16, 2021
ބަނދަރު ބޮޑުކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީން ހަވާލުކޮށްފައިވަނީ މިދިޔަ އަހަރު ސެޕްޓެމްބަރުމަހުއެވެ. އަދި މިއަހަރު ޖޫންމަހުވަނީ ޢަމަލީ މަސައްކަތް ފަށާފައެވެ. މި ބަނދަރު ތަރައްޤީކުރަނީ ކުރީގެ ބަނދަރާ ގުޅާލެވިގެންދާ ގޮތަށެވެ.
ބަނދަރު ތަރައްޤީކުރުމުގެ މަސައްކަތުގައި ހިމެނެނީ 270 މީޓަރުގެ އެއްގަމު ތޮށި ލުމާއި، 355 މީޓަރުގެ ބޮޑުހިލައިގެ ބޭރު ތޮށި ލުމާއި، 50 މީޓަރުގެ ރިވެޓްމަންޓް ޖެހުމާއި، ނެރާއި ބަނދަރު ފުންކުރުމާއި، އަދި ބަނދަރު ވަށައިގެން 2583 އަކަމީޓަރުގެ ސަރަޙައްދުގައި ޕޭވްމަންޓް ހަދާ ގޮތަށެވެ. ޕްރޮޖެކްޓްގެ ދަށުން މިހާރު ކުރަމުންދަނީ ބަނދަރު ފުންކުރުމުގެ މަސައްކަތެވެ.
މި ޕްރޮޖެކްޓްގެ މަސައްކަތް އަންނަ އަހަރަށް ނިންމުމަށް ވަނީ ހަމަޖެހިފައެވެ. ހަނިމާދޫގެ ރަޖިސްޓްރީ އާބާދީގައި 2250 މީހުން ތިބި ނަމަވެސް، އެކި ބޭނުންތަކުގައި އެރަށުގައި 2700އަށް ވުރެ ގިނަ މީހުން ދަނީ ދިރިއުޅެމުންނެވެ.
