ބޮލީވުޑްގެ ބާދްޝާހްގެ ގޮތުގައި މަޝްހޫރު ވެފައިވާ ސުޕަސްޓަރ ޝާހްރުކް ޚާން ވެބްސީރީޒަކުން ފެންނާނެ ކަމުގެ އިޝާރާތެއް ދީފިއެވެ.
2018 ގެ ފްލޮޕް ފިލްމް "ޒީރޯ"އަށް ފަހު ޝާހްރުކް މަސައްކަތް ކުރަމުން ދަނީ ވަރުގަދަ ފިލްމްއަކުން ބޮޑުސްކްރީނަށް އެނބުރި އައުމަށެވެ.
އެގޮތުން އޭނާގެ އެންމެ އުންމީދި އެއް ފިލްމް ކަމުގައިވާ، ބޮޑު ކާސްޓެއް ހިމެނޭ ފިލްމް "ޕަތަން"ގެ ޝޫޓިންގ މިހާރު ބާރު ސްޕީޑުގައި ދަނީ ކުރިއަށެވެ.
"ޕަތަން"ގެ އިތުރުން ވެސް ބައެއް ޕްރޮޖެކްޓަކަށް ޝާހްރުކް ސޮއި ކޮށްފައި ވާކަމަށް ޚަބަރުތަށް ބުނެއެވެ. އެގޮތުން އޭނާ ވެބް ސީރީޒަކުން ފެނިގެން ދިއުމުގެ އިޝާރާތެއް ވަނީ، އެޑެއްގެ ޒަރިއްޔާއިން ދީފައެވެ. ޑިޒްނީ ޕްލަސް ހޮޓްސްޓާގެ އިޝްތިހާރެއްގައި ޝާހްރުކް ވަނީ ނުސީދާކޮށް މިކަން ހާމަކޮށްފައެވެ.
މި އެޑް ކަރަން ޖޯހަރު ވަނީ ޓްވިޓާގައި ހިއްސާކޮށްފައެވެ. ހަމަ އެއާއެކު ޝާހްރުކް ވަނީ މި ޓްވީޓް ރިޓްވީޓްކޮށް ޕިކްޗަރ އަދި ކުރިއަށް އޮތީ ކަމުގައި ބުނެފައެވެ.
Hmmmm….Picture toh abhi baaki hai….mere doston… #SiwaySRK https://t.co/YhtnTrIHK1
— Shah Rukh Khan (@iamsrk) September 11, 2021
ބޮލީވުޑް ހަންގާމާއިން ބުނެފައިވާ ގޮތުގައި ޝާހްރުކް ދެން އެންމެ އަވަހަށް ފެންނާނީ ޑިޒްނީ ޕްލަސް ހޮޓްސްޓާގެ ސްޓްރީމިން ޕްލެޓްފޯމުންކަމަށެވެ. ނަމަވެސް މިކަމާ ބެހޭގޮތުން އަދި އިތުރު އެއްވެސް މައުލޫމާތެއް ހާމަކޮށްފައެއް ނުވެއެވެ.
ޑިޒްނީ ޕްލަސް ހޮޓްސްޓާ އަކީ ފަހަކަށް އައިސް ބޮލީވުޑްގެ ބޮޑެތި ފިލްމުތައް ޕްރިމިއާކުރަމުން އަންނަ ޕްލެޓްފޯމެކެވެ.
