ޓިކްޓޮކްގައި ބަރަހަނާވި މީހާ ރޭ ހައްޔަރުކޮޮށްފި އެވެ.
ފުލުހުން ބުނީ ސޯޝަލް މީޑިއާގައި ބަރަހަނާ ވީޑިއޯ އާންމުކުރި މައްސަލައާ ގުޅިގެން ހައްޔަރުކުރީ 36 އަހަރުގެ ދިވެހި ފިރިހެނެއް ކަމަށެވެ. އެ މައްސަލަ އިތުރަށް ތަހުގީގުކުރަމުން އަންނަ ކަމަށް ވެސް ފުލުހުން ބުންޏެވެ.
އަމިއްލައަށް ބަރަހަނާ މަންޒަރު ރެކޯޑްކޮށް އެމަންޒަރު އޭނާ އާއްމު ކޮށްފައި ވަނީ މިދިޔަ އަންގާރަ ދުވަހުގެ ރޭގެ ވަގުތެއްގައެވެ. ރޭ ފުލުހުން އޭނާ ހައްޔަރުކޮށްފައި ވަނީ އޭނާ ހައްޔަރު ކުރުން ލަސްވަމުން ދާތީ ގިނަ ބައެއްގެ ފާޑުކިޔުން ފުލުހުންނަށް އަމާޒުވެފައި ވަނިކޮށެވެ.
ހައްޔަރުކުރި މީހާއަކީ އަންހެން ހެދުން އަޅައިގެން ޓިކްޓޮކްގައި އުޅޭ ފިރިހެނެކެވެ. އެކަމަކު ޓިކްޓޮކްގެ ގަވާއިދު ބުނާ ގޮތުން ބަރަހަނާ މަންޒަރު އާންމުކުރުމަކީ މަނާ ކަމެކެވެ. އެހެންވެ ވީޑިއޯ އާންމުކުރުމުން، އޭނާގެ އެކައުންޓް ވަނީ ބޭންކޮށްފަ އެވެ.
