އަންނަ މަހު ރާއްޖޭގައި އޮންނަ ސާފް ޗެންޕިއަންޝިޕްގައި ވާދަކުރާ ރާއްޖޭގެ ޤައުމީ ޓީމުގެ ހެޑު ކޯޗަކަށް އަލީ ސުޒޭން ކޯވިޑަށް ޕޮޒިޓިވް ވެއްޖެއެވެ.
ކޯވިޑަށް ޕޮޒިޓިވްވުމުން ސުޒޭން މިހާރު ހުރީ ހޯމް ކަރަންޓީންގަ އެވެ. ނަމަވެސް ޓީމުގެ ކުޅުންތެރިންނާއި އެހެން ސްޓާފުން ޓެސްޓް ވަނީ ނެގެޓިވްވެފައެވެ. ޤައުމީ ޓީމު މާދަމާރޭ ޓްރެނިންއަށް ގަތަރަށް ފުރާއިރު، ސުޒައިންނަށް ޓިމާއިކު ނުދެވޭތީ، މުގެ ޓްރޭނިންތައް ލީޑު ކުރާނީ އެސިސްޓެންޓް ކޯޗް އިސްމާއީލް މަހްފުޒު (އިންމަ)އެވެ.
ވަރލްޑް ކަޕް އަދި އޭޝިއަން ކަޕް ޖޮއިންޓް ކޮލިފައިންގައި ރާއްޖެއިން ނެރެފައިވާ ދަށް ނަތީޖާތަކުގެ ސަބަބުން އެފްއޭއެމްއިން ވަނީ ޤައުމީ ޓީމުގެ ކޯޗު މާޓިން ކޫޕްމަންގެ ކޮންޓްރެކްޓް ވާހަކަ ދެއްކުމަށްފަހު އުވާލާފައެވެ. ދިވެހި ކޯޗުންގެ ތެރެއިން ރާއްޖޭގެ އެންމެ ކާމިޔާބު ކޯޗް އަލީ ސުޒޭންއާއެކު ގައުމީ ޓީމްގައި މަސައްކަތް ކުރުމަށް ހަމަޖައްސާފައިވާ އެސިސްޓަންޓް ކޯޗްއަކީ އިސްމާއިލް މަހަފޫޒް (އިންމަ) އަދި ގޯލްކީޕަރު ކޯޗުންގެ ގޮތުގައި ހުރީ ކުރިން ވެސް އެ މަގާމުގައި ހުރި އިމްރާން މުހައްމަދާއި އަސްލަމް އަބްދުއްރަހީމްއެވެ. އަދި ޓީމު ޑޮކްޓަރަކީ އަބްދުﷲ ރާފިއު (ރާއްޕެ)އެވެ.
މިއަހަރު ރާއްޖޭގައި ބޭއްވުމަށް ހަމަޖެހިފައިވާ ސާފް ޗެމްޕިއަންޝިޕް ކުރިއަށްދާނީ އޮކްޓޯބަރު މަހުގެ 1 ވަނަ ދުވަހުން ފެށިގެން 16 ވަނަ ދުވަހުގެ ނިޔަލަށެވެ. ސާފްގެ ކުރިން އޭއެފްސީ ކަޕްގައި ދެކުނު އޭޝިޔާއަށް ހާއްސަ ގުރޫޕް، ގުރޫޕް ޑީގެ މެޗްތައް މާލޭގައި ކުރިއަށްދާނެއެވެ.
