މިހާތަނަށް އައްޑޫ ސިޓީގައި ކޯވިޑަށް ޕޮޒިޓިވް ވެފައިވާ މީހުންގެ އަދަދު 1،075 އަށް އަރައިފިއެވެ.
އައްޑޫ އީކުއެޓޯރިއަލް ހޮސްޕިޓަލުން އާންމު ކޮށްފައިވާ މައުލޫމާތުތަކަށް ބަލާއިރު، އިއްޔެވެސް ވަނީ އެސިޓީގައި އިތުރު 9 މީހަކު ކޯވިޑަށް ޕޮޒިޓިވް ވެފައެވެ. މިގޮތުން އީކުއެޓޯރިއަލް ހޮސްޕިޓަލުން އާންމު ކޮށްފައިވާ ތަފާސް ހިސާބުތަކަށް ބަލާއިރު، މިހާރު އެސިޓީގައި ކޯވިޑްގެ އެކްޓިވް 305 ކޭސް އެބަ ހުއްޓެވެ. މީގެތެރޭގައި ހިމެނެނީ، މަރަދޫގައި 138 ކޭސް، ހިތަދޫގައި 86 ކޭސް އަދި މީދޫގައި 32 ކޭސް، ފޭދޫގައި 28 ކޭސް، މަރަދޫ ފޭދޫގައި 10 ކޭސް، އަދި މީގެ އިތުރުން ހުޅުދޫގައި 10 ކޭސްއެވެ.
ކޯވިޑަށް މިޙާރު އައްޑޫގައި އެޑްމިޓް ކޮށްގެން ފަރުވާ ދެމުންދަނީ 4 މީހަކަށެވެ.
އަދި މީގެ އިތުރުން، ޑައިރެކްޓް ކޮންޓެކްޓުންގެ ގޮތުގައި އައްޑޫގައި 685 މީހުން ކަރަންޓީނުގައި ވެސް އެބަ ތިއްބެވެ. އަދި ނަތީޖާ ނުލިބި 219 ސާމްޕަލް ވާކަމަށްވެސް ހޮސްޕިޓަލުން މައުލޫމާތު ދީފައި ވެއެވެ.
އައްޑޫ ސިޓީގައި ކޮމިއުނިޓީ ސްޕްރެޑެއް އޮތުމާއި ގުޅިގެން، މިހާރު ހުރިހާ ރައްތަކެއްގައިވެސް ސްކޫލްތައް ވަނީ ބަންދު ކޮށްފައެވެ. އެހެންނަމަވެސް، ސްކޫލްތައް ބަންދުކޮށްފައި ހުންނަތާ ގިނަ ދުވަސްތަކެއް ވަމުންދާތީ، އެކަމުގެ ކަންބޮޑުވުން އެސީގައި ބެލެނެވެރިން ދަނީ ފާޅުކުރަމުންވެ.
