ސަލްމާން ޚާންގެ ކުރިއަށް އޮތް ފިލްމް "އަންތިމް: ދަ ފައިނަލް ޓްރޫތު"ގެ ޕޯސްޓަރު ދައްކާލައިފިއެވެ.
ޅިއަނާއެކު ސަލްމާން ކުޅުނު ފުރަތަމަ ފިލްމްގެ ޕޯސްޓަރު ދައްކާލައިފައިވަނީ އަންގާރަ ދުވަހުއެވެ. ބެލެވޭގޮތުގައި މި ފިލްމް މިއަހަރުގެ ތެރޭގައި އަޅުވާނެއެވެ.
މި ޕޯސްޓަރުގައި ސަލްމާނާއެކު ޅިޔަނު އަޔޫޝް ޝަރުމާ ފެންނަ އިރު ޕޯސްޓަރުގައި ވަނީ "ކަމިން ސޫން" ޖަހާފައެވެ.
View this post on Instagram
ކުރިއަށް އޮތް ދުވަސް ތަކުގައި މި ފިލްމް ގެ ޕްރޮމޯޝަނަލް އިވެންޓްތަށް ފެންނާނެ ކަމަށް ބެލެވެއެވެ. އަދި ފިލްމުގެ ލަވަތައްވެސް މިހާރު އެކިދުވަސްތަކުގެ މަތިން ނެރެން ވަނީ ފަށާފައެވެ.
ކޮންމެ ޢީދަކީ ވެސް ސަލްމާންގެ ކޮންމެސް ފިލްމެއް ރިލީޒްކުރާ ދުވަހެކެވެ. ނަމަވެސް ކޯވިޑް-19 އާއި ހުރެ ހުރިހާ ސިނަމާ ތަކެއް ބަންދު ކުރުމާއި ގުޅިގެން މިދިއަ ދެ އަހަރެއްހާ ދުވަހު އެއްވެސް ފިލްމެއް ސިނަމާގައި ރިލީޒް ނުކުރެވި، ގިނަ ފިލްމު ތަކެއް ވާނުވާނޭނގިފައިވެސް އެބަހުއްޓެވެ.
މިއީ އަޔޫޝްގެ ދެވަނަ ފިލްމެވެ. އަޔުޝް ބޮލީވުޑަށް ތާއާރަފުވީ 2018 ވަނަ އަހަރުގެ "ލަވްޔާރުތީ" އިންނެވެ. "އަންތިމް" އަކީ 2018 ގެ މަރާޓީ ފިލްމް "މުލްޝީ ޕެޓާން" އަސްލަކަށް ބަލައިގެން ހަދާ ފިލްމެކެވެ. މި ފިލްމްގައި ބޮޑެތި އެކްޝަން މަންޒަރުތަކެއް ހިމެނޭ އިރު، ސަލްމާން އެންމެ ފަހުން ފެނިގެން ދިއައީ "ރާދޭ: ޔުއަރ މޯސްޓް ވޯންޓެޑް ބާއީ" އެވެ.
