ވަރލްޑް ކަޕް ކޮލިފައިންގައި ފްރާންސާއި ޔޫކްރެއިން އެއްވަރު

ފީފާ ވަރލްޑް ކަޕް ކޮލިފިކޭޝަންގައި ދުނިޔޭގެ ޗެމްޕިއަން ފްރާންސާއި ޔޫކްރެއިން ބައްދަލުކުރި މެޗު އެއްވަރުވެގެން ނިމިއްޖެއެވެ.

ކޮލިފައިންގެ ޔޫރަޕިއަން ކޮލިފިކޭޝަނުގެ ގްރޫޕް ޑީ ގައި މި ދެ ޓީމު ވާދަކުރި މެޗު އެއްވަރުވީ 1-1 ގެ ނަތީޖާއަކުންނެވެ.

މި މެޗުގައި ފުރަތަމަ ލަނޑު ޖަހާ ލީޑު ނެގީ، ޔޫކްރެއިން ޓީމުންނެވެ. އެގޮތުން ފުރަތަމަ ހާފުގެ އެންމެ ފަހު ވަގުތު ކޮޅުގެ ތެރޭގައި މި ލަނޑު ޔޫކްރެއިނަށް ކާމިޔާބުކޮށްދިނީ، ޝަޕަރެންކޯއެވެ.

ފުރަތަމަ ހާފުގައި ޔޫކްރެއިނުން ޖެހި ލަނޑާއެކު ލީޑުގައި އޮވެގެން ދެވަނަ ހާފަށް ނުކުތްއިރު، ފްރާންސުން ވަނީ ނަތީޖާ ހަމަހަމަ ކުރުމަށް ވަރަށް މަސައްކަތްކޮށްފައެވެ. އޭގެ ނަތީޖާއެއްގެ ގޮތުން ދެވަނަ ހާފް ފަށައިގެން ފަންސާސް ވަނަ މިނެޓުގައި އޮންތޮނީ މާޝިއަލް ވަނީ ފްރާންސަށް ނަތީޖާ ހަމަހަމަކޮށްދީފައެވެ. މިއީ 2016 ގެ ފަހުން ގައުމީ ޓީމަށް މާޝިއަލް ޖަހައިދިން ފުރަތަމަ ލަނޑެވެ.

ކޮލިފައިންގައި މިހާތަނަށް ފްރާންސް ކުޅުނު ފަސް މެޗުގެ ތެރެއިން އެޓީމު މޮޅުވެފައިވަނީ ދެ މެޗުންނެވެ. މި ގްރޫޕުގައި ރޭ ފިންލޭންޑާއި ކިރްގިސްތާން ކުޅުނު މެޗު ފިންލޭންޑް ކާމިިޔާބުކޮށްފައިވަނީ 1-0 ގެ ނަތީޖާއަކުންނެވެ.