ބޮލީވުޑްގެ ދުވަސްވީ އެކްޓްރެސް ސާއިރާ ބާނޫ ބްލަޑް ޕްރެޝަރުގެ މައްސަލަ ތަކެއްދިމާވެ ހޮސްޕިޓަލްގައި އެޑްމިޓްކޮށްފިއެވެ.
އޭނާ އެޑްމިޓް ކޮށްފައިވަނީ މުމްބައިގެ ހިންދޫޖާ ހޮސްޕިޓަލްގައެވެ. މިވަގުތު ސާއިރާއަށް ފަރުވާ ދެމުންދަނީ އައިސީޔޫގައެވެ.
ނިއުސް އެޖެންސީ އޭއެންއައި އިން ރިޕޯޓްކޮށްފައިވާ ގޮތުގައި ސާއިރާ އެޑްމިޓް ކޮށްފައިވަނީ މީގެ 3 ދުވަސް ކުރިން މައިނާ ހާޓްއެޓޭކެއްގެ ސަބަބުން ލޭގެ ޕްރެޝަރ ދައްވެގެންނެވެ. ނަމަވެސް އޭނާގެ ހާލުމިހާރު ރަނގަޅުވަމުން އަންނަކަމަށް ޑޮކްޓަރުންނާއި ހަވާލާދީ އާއިލާއިން ބުނެއެވެ.
77 އަހަރުގެ ސާއިރާ އެޑްމިޓް ކޮށްފައިވަނީ ދާދިފަހުން މަރުވި އޭނާގެ ފިރިމީހާ ދިލިޕް ކުމާރުވެސް އެޑްމިޓް ކުރި ހޮސްޕިޓަލްގައެވެ. މި އަހަރު ޖުލައި 7 ގައި ދިލިޕް ކުމާރު މަރުވެފައި ވަނީ އެޑްމިޓްކޮށްގެން ފަރުވާ ދެމުންގެންދަނިކޮށެވެ. ސާއިރާ އާއި ދިލިޕް ކައިވެނި ކޮށްފައި ވަނީ 1966 ގައެވެ.
ސާއިރާ ބާނޫ ބޮލީވުޑަށް ނުކުތީ 1961 ވަނަ އަހަރު "ޖަންގްލީ" އިންނެވެ. މި ފިލްމް ގައި އޭނާއާއެކު ފެނިގެން ދިއާއީ ޝައްމީ ކަޕޫރެވެ. ސާއިރާ ވަނީ ޕަޅޯސީ (1968)، ހޭރާ ފޭރީ (1976)، ދިވާނާ (1967) އަދި ޕޫރަބް އޯރް ޕަސްޗިމް (1970) ފަދަ ފިލްމް ތަކުން ފެނިގެން ގޮސްފައިއެވެ.
