އަޕަރްޝަކްތީއަށް އަލަތު ދަރިއަކު ލިބުނުކަން އިއުލާން ކޮށްފިއެވެ.
އޭނާއަށް ލިބިފައިވަނި އަންހެން ކުއްޖެކެވެ. އެކުއްޖާ އުފަންވެފައި ވަނީ މިދިއަ މަހުގެ 27 ވަނަ ދުވަހުއެވެ.
ދަރިފުޅުގެ ތުއްތު ތުއްތު އަތުގައި ހިފާލައިގެން ހުރި ފޮޓޯއެއް ޕޯސްޓު ކުރަމުން އޭނާ ބުނެފައިވަނީ މިއީ ލޯބީގެ އުފާވެރި ލަވް ޓްރައިންގަލްއެއް ކަމަށެވެ. މި ކުއްޖާގެ ނަމަކީ އަރްޒޯއީ އޭ ކުރާނާއެވެ.
އަޕަރްޝަކްތީ އޭނާގެ އަންހެނުން އަކްރީތީއާ ކައިވެނި ކޮށްފައިވަނީ 2014 ވަނަ އަހަރުއެވެ. މިދިއަ އަހަރު އޯގަސްޓް މަހުގެ ތެރޭގައި ކުރާނާ އާއިލާ އިން ވަނީ ބޭބީ ޝަވާ ޕާޓީއެއް ބާއްވާ އަކްރީތީ ބަނޑުބޮޑުކަން ރަސްމީކޮށް އިއުލާން ކޮށްފައެވެ.
View this post on Instagram
އަޕަރްޝަކްތީ އަކީ މަޝްހޫރު ފިލްމީ ތަރި އަޔުޝްމާން ކުރާނާގެ ކޮއްކޮއެވެ. އަޕަރްޝަކްތީ ވަނީ "ލުއްކާ ޗުއްޕީ" "ޑަންގަލް" "ބަދްރިކީ ދުލްހަނިޔާ" "ސްޓްރީ" "ޕަތީޕަތްނީ އޯރް ވޯ" އަދި "ސްޓްރީޓް ޑާންސަރ" ފަދަ ފިލްމްތަކުން ފެނިގެން ގޮސްފައެވެ.
ފިލްމްތަކުގެ ސަޕޯޓިން ރޯލުތަކުން އާންމުކޮށް ފެންނަ އަޕަރްޝަކްތީ ދެން އެންމެ އަވަހަށް ފެނިގެން ދާނީ "ހެލްމެޓް" އިނެނެވެ.
