މިއަހަރުގެ މެއި މަހުގެ 6 ވަނަ ދުވަހުގެރޭ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ބޮމުގެ ހަމަލާގެ ލަވަ "ބޮން" ރިލީޒް ކޮށްފިއެވެ.
މިލަވަ ނެރެދެއްވީ މިކަމަށްޓަކައި ރޭ ބޮންގޮއްވި ސަރަހައްދު މަޖީދީމަގު ނީލޯފަރު މަގުގެ ކަންމަތީގައި ބޭއްވި ޚާއްސަ ރައްމިއްޔާތެއްގައި ރައީސް ނަޝީދުގެ މަންމަ ޢާބިދާ މުޙައްމަދެވެ.
މިލަވަޔަކީ މިޔުޒިޝަން "ކަޔާނޯ" ލިޔެ ތައްޔާރު ކުރި ލަވައެކެވެ. ލަވަ ލޯންޗްކުރުމުގެ ރަސްމިއްޔާތުގައި ވާހަކަދައްކަމުން މިއުޒިޝަން "ކަޔާނޯ" ބުނީ މިޔުޒިކާ އާރޓް ނެތިކޮށްލުމަށް ބަޔަކު އުޅޭއުޅުމާ ދެކޮޅުހަދައި، މިޔުޒިޝަނުން ދިފާއުކޮށްދިނުމުގެ އުއްމީދަކީ ރައީސް ނަޝީދުކަމަށެވެ.
އޭނަ އަންނާނެއޭ
އޭނަ ފެންނާނެއޭ ? ? pic.twitter.com/fm03jap48h— Moosa Siraj (@MoosesSiraj) August 24, 2021
މިރަސްމިއްޔާތުގައި މަޖިލިސްގެ ނާއިބް ރައީސް އީވާ އަބްދުﷲއާއި، ރައީސް ނަޝީދަށް ތާއީދު ކުރައްވާ މަޖިލީޙުގެ މެމްބަރުން ބައިވެރިވެފައިވެއެވެ. އަދި ބައެއް އެމްޑީޕީގެ ސަޕޯޓަރުންވެސް މިއިވެންޓުގައި ބައިވެރިވެފައިވެއެވެ.
Neeloafaru Hingun – Majeedhee magu #HappeningNow @Mohamedkayano #JusticeForPresidentNasheed pic.twitter.com/b2GKtYPXZ2
— ??? (@Simwarr) August 24, 2021
ފަރުވާއަށް ރާއްޖެއިން ބޭރުގައި ރައީސް ނަޝީދު ހުންނެވިއިރު، މިހާރުވެސް އެމަނިކުފާނަށް މަރުގެ އިންޒާރުތައް ދަނީ ދެމުންނެވެ. މަޖިލީހުގެ މިއަހަރުގެ ފަހު ދައުރުގެ ޖަލްސާތައް ފެށި ދުވަހު މަޖިލިސް މެމްބަރުންނަށް ރައީސް ނަޝީދު ފޮނުއްވި ސިޓީގައި ވިދާޅުވެފައިވަނީ އެމަނިކުފާނަށް ދިން ޓެރަރިސްޓް ހަމަލާއާއި ގުޅިގެން ފުލުހުންނާއި، ކަމާއި ގުޅުންހުރި އިދާރާތަކުން ކުރިއަށްގެންދާ ތަހުގީގު ނުނިމެނީސް ރާއްޖެއަށް ދިއުމަށް ޖެހިލުންވެ ވަޑައިގަންނަވާ ކަމަށް ވިދާޅުވެފައެވެ.
ތަޙްޤީޤު ނިމި، އެކަން ރާވައި ހިންގި ފަރާތްތައް އިންސާފުގެ ކުރިމައްޗަށް ގެނެވި، ހައްޔަރުގައި ބޭތިއްބުމުގެ ކުރިން ރާއްޖެ ދިޔުމަކީ އެމަނިކުފާނުގެ އާއިލާއާއި، ހެޔޮއެދޭ އެތައް ބަޔަކާއި ޚުދު އެމަނިކުފާނުވެސް ޖެހިލުންވާ ކަމެއްކަމަށް ރައީސް ނަޝީދު ވަނީ ވިދާޅުވެފައެވެ.
