ޓަމިލް އަދި މަލަޔާލަމް ފިލްމްތަކުން ފެނިގެން ގޮސްފައިވާ ކުރީގެ ފިލްމީ ތަރި ޗިތުރާ މަރުވެއްޖެއެވެ.
މަރުވި އިރު އޭނާގެ އުމުރަކީ 56 އަހަރެވެ.
ޗިތުރާ މަރުވެފައިވަނީ ޗެންނައިގައި އޭނާގެ އާއިލާ އާއި އެކުގައި އުޅެމުން އަންނަ ގޭގައި، ހާޓްއެޓޭކެއް ޖެހިގެން ކުއްލި ގޮތަކަށެވެ. އޭނާ މަރުވުމާއި ގުޅިގެން އިންޑަސްޓްރީގެ ނަން މަޝްހުރު އެތަށް ބަޔަކު ވަނީ ތައުޒިޔާ ފޮނުވާފައެވެ.
ޗިތުރާ ފިލްމީ އިންޑަސްޓްރީ އަށް ނުކުމެފައިވަނީ ޗައިލްޑް އާޓިސްޓެއްގެ ގޮތުގައެވެ. 80 އަހަރުތަކުގައި އޭނާ އަކީ ވަރަށް މަގުބޫލު ތަރިއެކެވެ. ޗިތުރާ ވަނީ މިހާތަނަށް 100 އަށް ވުރެ ގިނަ ފިލްމް ކުޅެފައެވެ. އެންމެ ފަހުން އޭނާ ފެނިގެން ގޮސްފައިވަނީ 2005 ވަނަ އަހަރުގެ ޓަމިލް ފިލްމް "ކާދަލް ސިޔާ ވިރުމްބް" އިންނެވެ.
#JustIn: Malayalam actor Chitra, 56, passes away in Chennai. @NewIndianXpress pic.twitter.com/yCpua0dNBo
— TNIE Kerala (@xpresskerala) August 21, 2021
1981 ވަނަ އަހަރު ބިޒްނަސްމޭން ވިޖްޔެރާގްވާން އާއި ކައިވެނި ކުރުމަށްފަހު ފިލްމީ ދާއިރާ އާ ދުރަށް ޖެހިލާފައިވެއެވެ. މި ކައިވެނިން ޗިތުރާ އަށް ވަނީ އަންހެން ކުއްޖަކުލިބިފައެވެ.
