ޖަޖެއްގެ ގޮތުގައި ޝިލްޕާ މަސައްކަތް ކުރަމުންދިއަ ރިއަލިޓީ ޑާންސް ޝޯވް "ސުޕަރ ޑާންސަރ 4″ ގެ ޓީމާ އަލުން އޭނާ ގުޅިއްޖެއެވެ.
މި ޝޯވް އަކީ ފެށުނީންސުރެވެސް އޭނާ ޖަޖުކަން ކުރަމުން އަންނަ ޝޯވް އެކެވެ. މި ޝޯގެ ޖަޖުންގެ ޕެނަލުން ފެނިގެން ދަނީ ޝިލްޕާގެ އިތުރުން ގީތާ ކަޕޫރު އާއި އަނޫރާގް ބާސޫއެވެ.
ޝިލްޕާ އަންނަ ހަފްތާގެ ޝޯވް ތަކުން ފެނިގެން ދާނެކަމަށާއި މިހާރު އޭނާ އެބައިތަކުގެ ޝޫޓިންގ ފަށާފައި ވާކަމަށް ރިޕޯޓްތައް ބުނެއެވެ.
View this post on Instagram
ޝިލްޕާ މި ޝޯވް އިން އެކަހެރިވީ އޭނާގެ ފިރިމީހާ އަދި ވިޔަފާރިވެރިޔާ ރަޖްކުންދުރާ ބަރަހަނާ ފިލްމް އުފައްދާ، ވިޔަފާރީ ކުރި ކަމުގެ ތުހުމަތުގައި މިދިޔަ ޖުލައި މަހުގެ 19ގައި ހައްޔަރުކުރުމާއި ގުޅިގެންނެވެ.
ޝިލްޕާ ޝޯއިން ގެއްލުމާއެކު ޝޯއަށް ބަތަލާ ކަރިޝްމާ ކަޕޫރު ޖަޖެއްގެ ގޮތުގައި ނެގިކަމުގެ އަޑުތަކެއް ވެސް ގަދަވެގެން ދިއައެވެ. އަދި ހަމަ އެހެންމެ ކަރިޝްމާ ޝޯގެ އެޕިސޯޑަކުން ފެނިގެން ވެސް ދިއައެވެ.
މީގެ ކުރިން ޝިލްޕާއަށް ބައިވެރި ނުވެވުނު އެޕިސޯޑުތަކުގައި ޖަޖެއްގެ ގޮތުގައި މަލައިކާވެސް ވަނީ ފެނިގެން ގޮސްފައެވެ. އޭނާ އަލުން ޝޯވް އާ ގުޅިފައި މިވަނީ ޝޯއިން އޭނާ ވަކި ކޮށްފައިވާ ކަމުގެ ވާހަކަތަކެއް ދެކެވޭ ދަނޑިވަޅެއްގައެވެ.
