ގިނަ ދުވަސްތަކަކަށްފަހު ވެރިކަން ކުރަމުންދާ ކޯލިޝަންގައި ހިމެނޭ ޖުމްހޫރީ ޕާޓީން އެޕާޓީގެ ކައުންސިލް ބައްދަލުވުމެއް ރޭ ބާއްވައިފިއެވެ.
ރޭ ބާއްވާފައިވަނީ އެޕާޓީގެ 142 ވަނަ ކައުންސިލް ބައްދަލުވުމެވެ. މިބައްދަލުވުމުގެ ރިޔާސަތު ބެލެހެއްޓެވީ އެޕާޓީގެ ލީޑަރު އޮނަރަބަލް ޤާސިމް އިބްރާހިމްއެވެ. ރޭގެ ކައުންސިލް ބައްދަލުވުމުގައި ބައިވެރިވެފައިވަނީ 29 މެމްބަރުންނެވެ. މިބައްދަލުވުމުގައި މިނިސްޓަރ ނަހުލާއާއި، ސަރުކާރުގެ ބައެއް މަޤާމުތަކުގައި ތިއްބެވި ބޭފުޅުންވެސް ބައިވެރިވެފައިވެއެވެ.
JP ge 142 vana council bahdhaluvun mirey 8:30 gai JPHQ maafanu kunooz gai feshigen kuriyahdhanee. Mi bahdhaluvun chair kohdhevanee JP Leader Hon @qasimibrahim adhi Party DL @DrHussainHassan , DL @ameenmaldives ge ithurun 29 council memberun baivei ve vadigahnava pic.twitter.com/lAxN9VIRzE
— JP Secretariat (@JPSecretariat) August 16, 2021
މިބައްދަލުވުމާއި ގުޅޭ ތަފްސީލެއް އެޕާޓީން ހާމަކޮށްފައިނުވެއެވެ. ޖުމްހޫރީ ޕާޓީން ކައުންސިލް ބައްލުވުމެއް ބާއްވާފައިވަނީ އެޕާޓީގައި އިސްކޮށް ހަރަކާތްތެރިވި ބޭފުޅުންތަކެއް ޕާޓީން ވަކިވެ ސިޔާސީ ޕާޓީއެއް ހެދުމަށް މަަސައްކަތް ކުރަމުންދާ ދަނޑިވަޅެއްގައެވެ. އެޕާޓީ ހެދުމުގައި އިސްކޮށް ހަރަކާތްތެރިވަނީ ނާޒިމް އާއި އަބްދުﷲ ރިޔާޒއެވެ.
ރިޔާޒު ވިދާޅުވީ ޖުމްހޫރީ ޕާޓީން ނިކުމެ ޕާޓީއެއް ހަދަން ޖެހުނީ ޖުމްހޫރީ ޕާޓީގައި ސިޔާސީ އެއްވެސް ހަރަކާތެއް ނުހިގައި، ޤައުމީ ކަންކަމުގައިވެސް ޕާޓީގެ ހަރަކާތެއް ނެތުމުންކަމަށެވެ. ޖުމްހޫރީ ޕާޓީ ސިޔާސީ ވަރުގަދަ ޕާޓީއަކަށް ހެދުމަށް ގިނަ މަސައްކަތްތަކެއް ކުރިނަމަވެސް އެކަންކަމުގެ ނަތީޖާއެއް ނުފެންނަ ކަމަށެވެ. އަދި މިއަދު ޕާޓީއެއް ހެދުމަށް ކުރެވޭ މަސައްކަތަކީ ޤައުމަށް ޚިދުމަތް ކުރުމަށް އޮތް ފުރުސަތުގެ ބޭނުން ކުރުމަށް ކަމަށް ރިޔާޒު ވިދާޅުވިއެވެ.
