ކަލްބް ހައުސްގައި މީހަކު ދަނީ މަޖިލީހުގެ ރައީސް ނަޝީދަށް ހެދިގެން ފިތުނަ ފަސާދަ އުފައްދަމުން ކަމަށާއި، އެކަން ބަލައި ދިނުމަށް ރައީސް ނަޝީދު އެދިވަޑައިގެންފިއެވެ.
ކްލަބް ހައުސްގައި ރައީސް ނަޝީދުގެ ނަމުގައި ވާހަކަ ދައްކައި ހަދާ މީހާ، ވާހަކަ ދައްކައި ހަދަނީ ރައީސް ނަޝީދަށްވެ، އެއަޑުން ކަމަށްވުމުން ގިނަ ބަޔަކަށް އެއީ ރައީސް ނަޝީދުކަމަށް ވަނީ ހީވެފައެވެ. ނަމަވެސް އެމަނިކުފާނު ވަނީ މިއަދު ޓުވިޓާ މެދުވެރިކޮށް، އަމިއްލަ އޮފިޝަލް އެކައުންޓުންނާއި، އެލްކެސް އެކައުންޓުންވެސް މިކަން ކުރާ މީހަކު ސާފުކޮށް ދިނުމަށް އެދިވަޑައިގެންފައެވެ.
ރައީސް ނަޝީދު ވިދާޅުވީ އެމަނިކުފާނު ކްލަބް ހައުސްގައި ބޭނުން ކުރާ އެކައުންޓަކީ މުހައްމަދު ނަޝީދުގެ ނަމުގައި ހަދާފައިވާ އެކައުންޓުކަމަށެވެ. އެނޫން އެކައުންޓެއްގައި އެމަނިކުފާނު ކްލަބް ހައުސްގައި ނޫޅޭނެކަމަށާއި، ނަމަވެސް އެމަނިކުފާނަށް ހެދިގެން ކަލްބް ހައުސްގައި ވާހަކަ ދައްކާ މީހަކީ ކާކުކަމެއް ހަމަ އެއްގޮތަކަށްވެސް އެގިވަޑައި ނުގަންނަވާކަމަށެވެ.
Konmeves meehaku Alhugadu ey kiyagen Club house gai eyba varah fithuna ufahdhaa. Alhugadu ge club house account eh noave. Anehdhivehi Raaje aai Alex Ahamed akee alhuhaduge tweeter aai FB account. Club house ga kaaku kameh neyge, mi kan saaf kohdhinun varah eydhen.
— Alex Ahmed (@anedhivehirajje) August 14, 2021
ކޮންމެވެސް މީހަކު އަޅުގަނޑުގެ ނަމުގައި ކްލަބްހައުސްގައި އެބަ ވަރަށް ފިތުނަ އުފައްދާ. އަޅުގަނޑުގެ ހަމަ އެކަނި ކްލަބް ހައުސް އެކައުންޓަކީ މުހައްމަދު ނަޝީދުގެ ނަމުގައި ހަދާފައިވާ އެކައުންޓް. ކްލަބް ހައުސްގައި އެއީ ކާކުކަމެއް ނޭގޭ، މިކަން ސާފުކޮށް ދިނުން އެދެން.
– ރައީސް ނަޝީދު ކުރެއްވި ޓްވީޓުގައި ވިދާޅުވިއެވެ.
Konmeves meehaku alhugadu ge namugai Clubhouse ga eba varah fithuna ufahdha. Alhugaduge hama ekani clubhouse account akee mohamednasheed ge namuga hadhaafa in account. Clubhouse ga e ee kaaku kameh neyge, mi kan saaf kohdhinun varah edhen
— Mohamed Nasheed (@MohamedNasheed) August 14, 2021
ބޮމުގެ ހަމަލާއަށްފަހު ފަރުވާ ހޯއްދެވުމަށް ޖަރުމަނަށް ވަޑައި ގަތުމަށްފަހު ރައީސް ނަޝީދު މިވަގުތު ހުންނެވީ އިނގިރޭސި ވިލާތުގައެވެ. އެމަނިކުފާނަށް ދެވުނު ހަމަލާއިން ފަސޭހަވަމުންދާއިރު، އިނގިރޭސިވިލާތުގައި ހުންނަވައިގެން ގެންދަވަނީ ރަސްމީ މަސައްކަތްވެސް ކުރައްވަމުންނެވެ.
ރައީސް ނަޝީދަށް ރާއްޖެ ވަޑައިގެންނެވޭނެ ދުވަހެއް ސާފު ނުވާއިރު އަންނަ ހޯމަ ދުވަހު މަޖިލީހުގެ މިއަހަރުގެ ފަހު ދައުރުގެ ޖަލްސާތައް ފެށުމަށް ވަނީ ހަމަޖެހިފައެވެ. ޖަލްސާތަކުގައި ރައީސް ނަޝީދު ބައިވެރިވެ ވަޑައިގަންނަވާނެކަމެއް އަދި ސާފެއް ނުވެއެވެ.
