ރައީސް އިބްރާހީމް މުހައްމަދު ސޯލިހާއި ގުޅޭގޮތުން ޕީޕީއެމްގެ ކައުންސިލް މެމްބަރު ޒާހިދު ރަމީޒު ދެއްކި ވާހަކަތަކަށް އޭނާ މަޢާފަށް އެދިއްޖެއެވެ.
ޒާހިދު ވަނީ ރައީސް އިބްރާހީމް މުހައްމަދު ސޯލިހް ނަރަކަށް ވަޑައިގަންނަވާނެ ކަން ގެރެންޓީ ކަމަށް ބުނެ އަލިފާން ގަނޑެއްގައި މީހަކު އަދާތަން ފެންނަ ވީޑިއޯއަކާއިއެކު އިއްޔެ ޓްވީޓެއް ކޮށްފައެވެ. މިއާއިއެކު ގިނަ ބައެއްގެ ފާޑުކުޔުން ވަނީ އޭނާއަށް ކުިރމަތިވެފައެވެ. ޚާއްސަކޮށް ދީނީ ޢިލްމުވެރިންގެ ކިޔަމނުްދިޔަ ފާޑުކިޔުންތަކާއި ގުޅިގެން ޒާހިދުވަނީ އެންމެފަހުން ދެކެވުނު ވާހަތަކަށް މަޢާފަށް އެދިފައެވެ.
އޭނާ ބުނެފައިވަނީ ގެރެންޓީ އޭ ޖެހީ ސާރކާސްޓިކް ކޮށްކަމަށެވެ. އެއީ ނުވިސްނާ ޖެހުނު އެެއްޗެެއްކަމަށާއި، އެކަމާއި މާފަށް އެދޭކަމަށެވެ. އޭނާ މިހެން ބުނެފައިވަނީ ޝައިޚު އަލީ ޒައިދު އޭނާގެ ވާހަތައް ކުށްވެރިކޮށް ދެއްކި ވާހަތަކަށް ރައްދު ދެއްވަމުންނެވެ.
ގެރެންޓީ އޭ ޖެހީ ސާރކާސްޓިކް ކޮށް. އެއީ ނުވިސްނާ ޖެހުނު އެެއްޗެެއް. އެކަމާއި މާފަށް އެދެން. އެކަމަކު ކަލޭމެން ބޮޑުވަރު، ދީނުން ބޭރުކޮއްލާ، ތައުބާވާން ގޮވާލާ، ލާދީނީ ކޮއްލީ. މިކަހަލަ މީހުން ހަރުކަށި ލިސްޓުގައި ނިހިމަނާ ގައުމެއް ނޯންނާނެ. ހޭބަލި ވެދާނެ.
– ޒާހިދު ބުނެފައިވެއެވެ.
މިއީ ހަރުކަށި ފިކުރު ފެތުރުމަކީ. މިއަދު ހުތުބާގައި ބުނިހެން މަށަށް ހީވި މީހެއްގެ މުދާ ފޭރިގަންނަ މީހަކީ ވެރި މީހާއަށް ވިޔަސް އެއީ ބޮޑު ވެގެން ވާ ފާފަ އެކޭ އެބަޔަކު ދާނީ ނަރަކައަށޭ. އެހެންވީމަ މަގޭ ބޮލަށް އާއި އެއްޗެއް މަ ޓުވީޓު ކުރީ. https://t.co/gjcNjOMz6q
— Zahid Rameez (@xahidcreator) August 13, 2021
ޒާހިދު އިއްޔެ ކުރެއްވި ޓްވީޓެއްގައި ރައީސްއަށް އަމާޒު ކުރައްވައި ދެ ސުވާލު ކުރެއްވިއެވެ. ރައީސް ހުކުރު ނަމާދަށް ވަޑައިގެންނެވިތޯއާއި ހުކުރު ހުތުބާ އަޑުއެއްސެވިންތޯ އޭނާ ސުވާލު ކުރެއްވިއެވެ. ޒާހިދު ދެން ލިޔުއްވާފައި ވަނީ "ވަންވޭ ޓިކެޓްގައި، ފަސްޓް ކްލާސްގައި މަނިކުފާނު (ރައީސް އިބްރާހީމް މުހައްމަދު ސޯލިހް) ދާނީ ނަރަކަށް، ގެރެންޓީ" ކަމަށެވެ.
ރައީސް @ibusolih ހުކުރަށް މިއަދު ދިޔައިންތަ؟ ހުކުރު ހުތުބާ އަޑު އެހިންތަ؟ ވަންވޭ ޓިކެޓްގައި، ފަސްޓް ކުލާސްގައި މަނިކުފާނު ދާނީ ނަރަކައަށް. ގެރެންޓީ. ☝? pic.twitter.com/O7L5RerlOd
— Zahid Rameez (@xahidcreator) August 13, 2021
މިމައްސަލާގައި ގިނަބަޔަކު ދަނީ ޒާހިދުއަށް ފާޑުކިޔަމުންނެވެ. އަދި އިދިކޮޅު ޕްރޮގްރެސިވް ކޯލިޝަނުން އޭނާއާއިމެދު ފިޔަވަޅު އެޅުމަށްވެސް ބައެއް ފަރާތްތަކުން ދަނީ ގޮވާލާމުންނެވެ.
