ހއ.އަތޮޅަށް ޕީޕީއެމްގެ ފަރާތުން ކުރި ދަތުރުގައި، ގިނަ އަދަދެއްގެ ރައްޔިތުން އަލަށް ޕީޕީއެމްއާއި ގުޅުމަކީ އިތުރަށް އުންމީދުތައް އާވެގެން ދިޔަ ކަމެއްގައި ޕީއެންސީގެ ނާއިބް ރައީސް އަދި ހުޅުމާލެ ދާއިރާގެ މެމްބަރު އިބްރާހިމް ޝުޖާ ވިދާޅުވެއްޖެއެވެ.
އިދިކޮޅު ޕްރޮގްރެސިވް ކޯލިޝަނުން ހއ.އަތޮޅުގެ ރަށްތަކަށް ކުރި ދަތުރު ނިންމާލުމަށް، ހއ.ބާރަށުގައި ރޭ ބޭއްވި ޖަލްސާގައި ޝުޖާ ވިދާޅުވީ މިދަތުރުން ހއ.އަތޮޅުގެ ރައްޔިތުންގެ ހިތްތަކުގައި ޕީޕީއެމްގެ ސަރުކާރެއް އޮތުމުގެ މުހިންމުކަމާއި، ޕީޕީއެމްގެ ވެރިކަމެއް އަލުން އައުމަށް އެދޭވަރު ހާމަވެފައިވާކަމަށެވެ. އެކަން އެންމެ ބޮޑަށް އެނގިގެންދިޔައީ ޕާޓީއާއި މުޅިންއަލަށް އެތައް ރައްޔިތުންނެއް ގުޅި މަސައްކަތް ފެށުމުންކަމަށެވެ.
އަޅުގަނޑުމެންގެ ޓީމް ހއ.އަތޮޅުގެ ދަށްބިތު 8 ރަށަށް ކުރި ކާމިޔާބު ދަތުރު ނިންމާލުމުގެ ކުރިން މިރޭ ހއ.ބާރަށުގައި ބޭއްވި ޖަލްސާގެ ތެރެއިން.ރައްޔިތުންގެ ފަރާތުން ލިބުނީ އިތުރު ހިތްވަރު.ރައްޔިތުން އެދިގޮވަނީ ރައީސް ޔާމީން މިނިވަން ކުރުމަށް.1/2 pic.twitter.com/hfjSDc4PVY
— Ibrahim Shujau (@IbrahimShujaau) August 12, 2021
ޕީޕީއެމްއިން މިމަހުގެ 8 އިން 12 އަށް ހއ.ގެ ރަށްތަކަށް ކުރި ދަތުރު ނިންމާލުމަށް ބޭއްވި ރަސްމިއްޔާތު ޝަރަފްވެރި ކޮށްދެއްވީ އިދިކޮޅު ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުﷲއެވެ. ގިނަ ބަޔަކު ބައިވެރިވި މިޖަލްސާގައި، އަބްދުއްރަހީމް ވަނީ މިސަރުކާރުން ދައްކާ ބިރަކަށް އެއްވެސް ވަރަކަށް ފަސްޖެހުމެއްނެތި، ރައީސް ޔާމީން 2023ގައި ވެރިކަމަށް ގެނައުމަށް ކުރަންޖެހޭ ހުރިހާ މަސައްކަތެއް ކުރާނެކަމަށެވެ. އަދި ހއ.އަތޮޅުގެ ރައްޔިތުން މިސަރުކާރާއިމެދު ކުރި އުންމީދު މިއަދު ފެނަށްވެ، ރައްޔިތުންނަށް ކުރިމަތިވެފައިވާ ހިއްތަދަތިކަމާއި މާޔޫސްކަމުގައި ބައިވެރިވާކަމަށް އޭނާ ވިދާޅުވިއެވެ.
އިދިކޮޅު ޕްރޮގްރެސިވް ކޯލިޝަނުން ހއ.އަތޮޅަށް ކުރި ދަތުރުގައި އެއަތޮޅުގެ އެމްޑީޕީގެ އިސް ބައެއް ބޭފުޅުންނާއި، ކައުންސިލްތަކުގެ މެމްބަރުންނާއި، އާންމު ގިނަ މެމްބަރުންތަކެއް ވަނީ ޕީޕީއެމްއާއި ގުޅިފައެވެ.
ޕީޕީއެމް ހއ.ދަތުރު: އެމްޑީޕީގެ މެމްބަރުންނާއި، އާންމު ގިނަބަޔަކު ޕީޕީއެމްއާއި ގުޅެނީ
ޕީޕީއެމްއިން އަތޮޅުތަކަށް ކުރާ ދަތުރުގައި ދެން އެންމެ އަވަހަށް ދިއުމަށް ހަމަޖެހިފައިވަނީ އައްޑޫ ސިޓީއަށް ކަމުގައި އެކޯލިޝަނުން ވަނީ ބުނެފައެވެ.
