ކެފޭ ރެސްޓޯރެންޓްތަކާއި، ވިޔަފާރި ކުރާ ތަންތަނުގައި އާންމު އުސޫލުން ޚިދުމަތް ދިނުމަށް ހެލްތު އެމެޖެންސީ އޮރޭޝަން ސެންޓަރ (އެޗްޕީއޭ) އިން ހުއްދަ ދީފިއެވެ.
ރާއްޖޭގައި ކޯވިޑްގެ ހާލަތު ނިއު ނޯމަލް ހާލަތަކަށް ގެނެވިފައިވާއިރު، އާ-އާންމު ހާލަތުގައި ކުރިންވެސް އުޅުނުގޮތަށް ގިނަ ޚިދުމަތްދިނުމަށް ވަނީ ނިންމާފައެވެ. އެގޮތުން ދިން ލުއިތަކުގެ ތެރޭގައި، ކެފޭ،ރެސްޓޯރެންޓު ތަކާއި ފިހާރަތާކާއި، ފިޔަވާރި ކުރާ އެހެން ތަންތަންވެސް ކުރިންވެސް ޚިދުމަތް ދިން އުސޫލުން ޚިދުމަތް ދެވޭނެ ގޮތަށް ވަނީ ހުއްދަ ދީފައެވެ.
ދިގު މުއްދަތަކަށްފަހު، އާއްމުންނަށް ހުޅުވައިގެން ކެފޭ ރެސްޓޯރެންޓުތަކުން ޚިދުމަތްދޭން ފަށާފައިވަނީ މިދިޔަ މަހުގެ ފުރަތަމަ ދުވަހުން ފެށިގެންނެވެ.
ކެފޭ ރެސްޓޯރެންޓުތައް ހުޅުވައިގެން ޚިދުމަތް ދިނުމަށް ހުއްދަ ދީފައިވާއިރު، މިފަދަ ތަންތަނުގައިވެސް ގައިޑްލައިންތަކައި އެއްގޮތަށް ޚިދުމަތް ދިނުމަށް އެޗްޕީއޭއިން ވަނީ އިލްތިމާސްކޮށްފައެވެ. ފިހާރަތަކާއި، އެނޫންވެސް ވިޔަފާރީގެ ޚިދުމަތްދޭ ތަންތަނުން، ޚިދުމަތް ހޯދަންދާ ފަރަތްތަކުންވެސް މާސް އުޅުމާއި، ސެނަޓައިޒް ކުރެވޭނެ ގޮތަށް ކަންކަން އިންތިޒާމު ކުރުމަށް ވަނީ އަންގާފައެވެ.
