މަކަރާއި ހީލަތުން 60،000އަށް ވުރެ ގިނަ ރުފިޔާ އަތުލި މައްސަލާގައި މީހަކު ހޯދުމަށް ފުލުހުން އޭނާގެ ވަނަވަރު ޢާންމުކޮށްފިއެވެ.
ފުލުހުން ބުނީ، މަކަރާއި ހީލަތުން ފައިސާ ހޯދުމުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާއިޖުރާއަތުގެ މަތިން ތަހުގީގަށް ހާޒިރުވުމަށް އަންގައި އިއުލާނުކުރާކަމަށެވެ.
ފުލުހުން ހޯދަން އިޢުލާންކޮށްފައިވަނީ، ހއ. ބާރަށް، ކޭސީވިލާ، އިބްރާހީމް ރަޝީދު (36އ)އެވެ. ފުލުހުން ބުނީ އޭނާ ފުލުހަށް ޙާޒިރުވުމަށް ވަނަވަރު ޢާންމުކޮށްފައިވަނީ، ޖޫން 05 ވަނަ ދުވަހު 7233204 ނަންބަރުން މީހަކަށް ގުޅައި މަކަރާއި ހީލަތުން 60،186/68ރ ހޯދާފައިވާކަމަށް ތުހުމަތު ކުރެވޭ މައްސަލައާ ގުޅިގެން ސުވާލުކުރުމަށްކަމަށެވެ. އޭނާ އޯގަސްޓް 08 ވަނަ ދުވަހުގެ 16:00 އަށް ޝަހިދު ޙުސައިން އާދަމް ބިލްޑިންއަށް ޙާޒިރުވުމަށް ފުލުހުން ވަނީ އަންގާފައެވެ.
ރާއްޖޭގައި ސްކޭމް ކޯލުން އޮޅުވާލައިގެން މީހުންގެ އަތުން ފައިސާ ހޯދާ މައްސަލަ ވަނީ ޢާންމުވެފައެވެ.
