ޖޮކޮވިޗް ސެމީއަށް

ސާބިއާގެ ނޮވަކް ޖޮކޮވިޗް ޓޯކިޔޯ އޮލިމްޕިކްސްގައި ވާދަކުރަމުން އަންނަ ފިރިހެނުންގެ ސިންގަލްސް އިވެންޓްގެ ސެމީ ފައިނަލުން ޖާގަ ހޯދައިފިއެވެ.

ފިރިހެން ސިންގަލްސް ކުއާޓާ ފައިނަލް މެޗްގައި ޖޮކޮވިޗް ވާދަކޮށްފައިވަނީ ޖަޕާންގެ ކެއި ނިޝިކޯރީ އާއެވެ. މި މެޗް ޖޮކޮވިޗް ކާމިޔާބުކޮށްފައިވަނީ 2-6 އަދި 0-6 އިންނެވެ. މާދަމާ ކުޅޭ ސެމީ ފައިނަލްގެ މެޗްގައި ޖޮކޮވިޗް ވާދަކުރަން ހަމަޖެހިފައިވަނީ ޖަރުމަނުގެ އެލެގްޒެންޑާ ޒްވެރޭވް އާއެވެ. މިއަހަރުގެ ތެރޭގައި މިހާތަނަށް ބޭއްވުނު ގްރޭންޑް ސްލޭމް ތިން މުބާރާތް ކަމަށްވާ އޮސްޓްރޭލިއަން އޯޕަން އާއި ފްރެންޗް އޯޕަންގެ އިތުރުން އިނގިރޭސި ވަލާތުގައި ބާއްވާ ވިމްބަލްޑަން ޓެނިސް މުބާރާތުގެ ޗެމްޕިއަންކަންވެސް ޖޮކޮވިޗް ވަނީ މިއަހަރު ހޯދައިފައެވެ.

ޖޮކޮވިޗް ވަނީ އެންމެ ގިނަ ގްރޭންޑް ސްލޭމް މުބާރާތް ކާމިޔާބުކުރުމުގެ ރެކޯޑް އޮތް ފިރިހެން ދެެ ކުޅުންތެރިންކަމަށްވާ ސްވިޒަލޭންޑްގެ ރޮޖާ ފެޑެރާ އާއި ސްޕެއިން ރަފައެލް ނަޑާލް އާ އަރާ ހަމަކޮށްފައެވެ. އެއް އަހަރެއްގެ ތެރޭގައި ގްރޭންޑް ސްލޭމް ހުރިހާ މުބާރާތެއް ކާމިޔާބުކޮށް އޮލިމްޕިކް ގޯލްޑެއް ހަމަ އެއ އަހަރުގެ ތެރޭގައި ހޯދުމަކީ އަދި މިވީހާތަނަށް އެއްވެސް ކުޅުންތެރިއަކަށް ކުރެވިފައި އޮތް ކަމެއް ނޫނެވެ.

ޓޯކިޔޯ އޮލިމްޕިކްސްގައި ކުރިއަށްދާ ޓެނިހުގެ އަންހެން ސިންގަލްސްގެ އިވެންޓް މިހާރު އޮތީ ފައިނަލާ ހަމައިގައެވެ. ހޮނިހިރު ދުވަހު ކުޅެން ހަމަޖެހިފައިވާ މި ފައިނަލް މެޗުގައި ވާދަކުރާނީ ސްވިޒަލޭންޑްގެ ބެލިންޑާ ބެންސިކް އާއި ޖަޕާންގެ ތަރި ނައޯމީ އޮސާލާ މުބާރާތުން ކަޓުވާލި ޗެކް ރިޕަބްލިކްގެ މާކެޓާ ވޮންޑްރޮސޯވާއެވެ.