ރައްޔިތުން މަޖިލީހުގެ ރައީސް މުހައްމަދު ނަޝީދު ބަނގުރާ ބުއިން ހުއްޓާލާފައިވާ ކަމަށް ވިދާޅުވުމަކީ އެމްޑީޕީގެ އާންމު މެމްބަރުންނަށް ލިބިގެންދާނެ ވަރަށް ބޮޑު އުފަލެއްކަމުގައި ކުރީގެ ވަޒީރު މުހައްމަދު މަލީހު ޖަމާލު ވިދާޅުވެއްޖެއެވެ.
ރައްޔިތުން މަޖިލީހުގެ ރައީސް މުހައްމަދު ނަޝީދު ބަނގުރާ ބުއިން ހުއްޓާލާފައިވާ ކަމަށް އެމަނިކުފާނަށް އިނގިރޭސިވިލާތުގެ ހޮސްޕިޓަލަކުން ދޫކުރި ލިޔުމެއްގައި ވަނީ ބުނެފައެވެ. އެލިޔުން ނަޝީދު އަމިއްލަފުޅަށް އެމްޑީޕީ ގައުމީ މަޖިލީހުގެ ވަޓްސްއެޕް ގްރޫޕްގައި ހިއްސާ ކުރެއްވުމަށްފަހު ފަހުން ވަނީ ޑިލީޓް ކުރައްވާފައެވެ. ނަމަވެސް ލިޔުމުގެ ކޮޕީއެއް މިހާރު މީސް މީޑިއާގައި ދައުރުވަމުން އެބަދެއެވެ.
މަލީހު ވިދާޅުވީ ރައީސް ނަޝީދުގެ މިނިންމުމަކީ މިކަމުން އެމްޑީޕީގެ އާންމު މެމްބަރުންނަށްވެސް ހިތްހަމަ ޖެހުން ލިބޭނެ ނިންމުމެއްކަމަށެވެ. އުންމީދު ކުރައްވަނީ ރައީސް ނަޝީދަކީ މުސްތަގުބަލުގައި އަޚުލާގު ރަނގަޅު ބޭފުޅަކަށް ވުންކަމަށާއި، މުސްތަގުބަލުގައި ނަޝީދުގެ އުޅުމާއި އަހުލާގު ރަނގަޅުވެ ލިބިފައިވާ ލަގަބްތަކާއިއެކު ޝަރަފްވެރިކަމުގައި އުޅުމަކީ ދެކެންބޭނުންވާ ދުވަހެއްކަމަށްވެސް މަލީހު ވިދާޅުވިއެވެ.
ރައީސް ނަޝީދު ބުއިން ހުއްޓާލިކަން އިޢުލާން ކުރެއްވުމަކީ އެމްޑީޕީގެ ގިނަ މެމްބަރުންނާއި ރައްޔިތުން އުފާކުރާނެ ކަމެއް. އުއްމީދަކީ ރައީސް ނަޝީދަކީވެސް އަޚުލާގު ރަނގަޅު ބޭފުޅަކަށް ވުން. އަދި އެމަނިކުފާނުގެ އުޅުމާއި އާދަކާދަޔާ ގުޅޭގޮތުން ދެވިފައިވާ ލަގަބުތައް މުރާޖައާވެގެން ދިއުން.
– މަލީހު ވިދާޅުވިއެވެ.
ނަޝީދަށް ލަންޑަންގެ ހޮސްޕިޓަލުން ދޫކޮށްފައިވާ ލިޔުން ވަޓްސްއެޕް ގްރޫޕްގައި ހިއްސާ ކުރެއްވީ މެއި 06 ވަނަ ދުވަހުގެ ހަމަލާއަށް ފަހު އެމަނިކުފާނަށް ނަފްސާނީ މައްސަލަތަކެއް ކުރިމަތިވެފައިވާ ކަމަށް ރާއްޖޭގެ ނޫހެއްގައި ރިޕޯޓް ކުރުމުންނެވެ. އެވެބްސައިޓްގެ ލިންކް ވެސް ނަޝީދު ވަޓްއެސްއެޕް ގްރޫޕްގައި ހިއްސާ ކުރެއްވިއެވެ. އަދި އެލިޔުމުގައި ހުރި ވާހަކަތަކަކީ ދޮގެއްކަން ސާބިތު ކޮށްދިނުމަށް ހޮސްޕިޓަލްގެ ލިޔުން ވެސް ގްރޫޕްގައި ހިއްސާ ކުރެއްވިއެވެ.
ޑޮކްޓަރުގެ ލިޔުމަކީ ޕޯސްޓް ޓްރޮމެޓިކް ސްޓްރެސް ޑިސްއޯޑާ ނުވަތަ ޕީޓީއެސްޑީ ހުރިތޯ ބެލުމަށް ހެދި އިވެލުއޭޝަނަށްފަހު ޑޮކްޓަރުން ތައްޔާރުކުރި ލިޔުމެކެވެ. އެލިޔުމުގައި ބުނެފައި ވަނީ ނަޝީދުގެ ކިބައިން އެފަދަ އެއްވެސް ނަފްސާނީ މައްސަލައެއް ފާހަގަ ނުކުރެވޭ ކަމަށެވެ. ޑިޕްރެޝަނާއި، އެންޒައިޓީ އަދި ކުރީގެ ހަނދާންތައް ކުއްލިއަކަށް އައުމާއި ބިރުވެރި ހުވަފެން ފެނުން ފަދަ ނަފްސާނީ އެއްވެސް މައްސަލައެއް ވެސް ނަޝީދުގެ ކިބައިގައި ނެތް ކަމަށް ޑޮކްޓަރުގެ ލިޔުމުގައި ބުނެފައި ވެއެވެ.
މަނިކުފާނު އަމިއްލަފުޅަށް ބަނގުރާ ބުއިން ހުއްޓާލާފައި ވާތީ މިހާރު އަވަހާރަފުޅު ލެއްޕެވުމުގައި ވެސް މައްސަލައެއް ނެތްކަން ފާހަގަ ކުރެވެއެވެ.
– ލިޔުމުގައި ބުނެފައި ވެއެވެ.
ޑޮކްޓަރުގެ ލިޔުމުގައި ބުނެފައި ވަނީ ނަޝީދާއި ބައްދަލު ކުރެވި ވާހަކަ ދެކެވިފައިވާ ކަމަށާއި ނަފްސާނީ އެއްވެސް މައްސަލައަކަށް ނަޝީދު ފަރުވާ ހޯއްދަވަން ނުޖެހޭ ކަމަށެވެ. ނަމަވެސް ކުރިއަށް އޮތްތަނުގައި އެއްވެސް މައްސަލައެއް ދިމާވެއްޖެނަމަ ޑޮކްޓަރާއި ނަޝީދު ބައްދަލުކުރާނެ ކަމަށް އުއްމީދު ކުރާކަމުގައި ލިޔުމުގައި ބުނެފައި ވެއެވެ.
3 Responses
ގގގ
އެއީ ހިނދުކޮޅެއްގެ ހުއްޓުމެއް. ކަރުދިގު ފުޅިއެއް އެއަށް ދިއްކޮލުން ލަސްވާނީ.
ނޫނީ ދިޔާ އެއްޗެހި ހުއްޓުމަށަފަހު ހިކި އެއްޗިއްސަށް ބަދަލިވީހެން މިހާރު ހީވަނީ.
Enmen hamayaku thibey nekamah heenukuraasho .hama noon hindu kolhu ves annaaano . Johnnie walker buneehamain Ketey gadiyakaa thi dimaav.ee. Bui kon ehceh tha .Don don tha??