ދުނިޔެ ހައިރާންކޮށްލުމަށް ފަހު މި ފަހަރުގެ އޮލިމްޕިކްސްގެ ފެތުމުގެ 400 މީޓަރު ފްރީ ސްޓައިލް އިވެންޓުން އުމުރުން 18 އަހަރުގެ ޓިއުނީޝިއާ ފެތުންތެރިޔާ އަހުމަދު ހަފްނާއޯއީ ރަން މެޑަލް ހޯދައިފިއެވެ.
ކޮލިފައިން ހީޓުގައި ވަަރަށް ދަށްކޮށް ދިޔަ ނަމަވެސް ފައިނަލްގައި ހަފްނައޯއީ ވަނީ އާދަޔާހިލާފު ހިތްވަރެއް ދައްކައި ރަން މެޑަލް ހޯދައިފައެވެ. އޭނާގެ ޓައިމިން އަކީ ތިން މިނިޓާއި 43.36 ސިކުންތުންނެވެ. ދެ ވަނަ އަށް ދިޔަ އޮސްޓްރޭލިއާގެ ޖެކް މެކްލޯފްލިން ނިންމީ ތިން މިނިޓާއި 43.52 ސިކުންތުންނެވެ.
ތިން ވަނަ އަށް ދިޔަ ކިއެރަން ސްމިތުގެ ޓައިމިން އަކީ ތިން މިނިޓާއި 43.94 ސިކުންތުންނެވެ. ޓިއުނީޝިއާގެ ކުރީގެ ބާސްކެޓްބޯޅަ ކުޅުންތެރިޔާ މުހައްމަދު ހަފްނައޯއީގެ ދަރިފުޅު އަހުމަދު ހަފްނައޯއީ މީގެ ތިން އަހަރު ކުރިން 2018 ވަނަ އަހަރު ވަނީ ޔޫތު އޮލިމްޕިކްސް ގޭމްސްގައި ވާދަކޮށްފައެވެ.
ކޮމެންޓު ފޮނުވާ