އަންނަ މަހުފެށުމަށް އާ ފުޓްބޯޅަ ސީޒަނުގައި ކުރިން މިހާރު ކުރިޔައްދާ ޕްރީ ސީޒަން މެޗުތަކުގެ ތެރެއިން ސްކޮޓްލޭންޑް ރޭންޖާސް އިން ރެއާލް އަތުން މޮޅެއް ހޯދައިފިއެވެ.
ގްލެސްގޯގައި ކުޅުނު މެޗު ރޭންޖާސް މޮޅެއް ހޯދީ 2-1 ލަނޑުން ކުރި ހޯދައިގެންނެވެ. މެޗުގެ ވަރަށް ކުރީކޮޅު ރެއާލް މެޑްރިޑުން ލީޑު ނެގިއިރު މި ލަނޑު އެޓީމަށް ކާމިޔާބުކޮއްދިނީ ރޮޑްރިގޯއެވެ. ސްކޮޓްލޭންޑްގެ ޗެމްޕިއަން ރޭންޖާސްއަށް ލަނޑުތައް ކާމިޔާބުކޮށްދިނީ ފެޝަން ސަކަލާ އާއި ކެޑްރިކް އިތަންއެވެ.
މިއީ މެޑްރިޑު ޕްރީ ސީޒަންގައި ކުޅުނު ތިންވަނަ މެޗުއެވެ. އަދި މިފަހަރު ޕްރީސީޒަންގައި އެޓީމު ބަލިވި ފުރަތަމަ ފަހަރުއެވެ. އަންނަމަހު ކުރީ ކޮޅުގައި ޕްރީސީޒަންގެ ހަތަރުވަނަ މެޗުގައި ރެއާލް މެޑްރިޑް ނުކުންނާނީ އިޓަލީގެ އޭސީ މިލާނާ ދެކޮޅަށެވެ. ރޭންޖާސް ޓީމުގެ ކޯޗަކީ ކުރިން ލިވަޕޫލްގެ ކެޕްޓަންކަން ކުރި ސްޓީވަން ޖެރާޑްއެވެ.
