މިހާރު ކުރިޔަށްދާ އޮލިންޕިކްސް އަންހެނުންގެ ފުޓްބޯޅަ އިވެންޓުގައި ގްރޭޓް ބްރިޓިއަން މޮޅާކާ އެކު ފަށައިފިއެވެ.
ފުރަތަމަ މެޗުން އިގްލެންޑާއި ސްކޮޓްލެންޑް އަދި ވޭލްސް އެއްވެގެން މުބާރާތުގައި ވާދަކުރާ ގްރޭޓް ބްރިޓަން މޮޅުވީ ޗިލީއާ ވާދަކޮށް 2-0 ލަނޑުންނެވެ. މެޗުގެ ޖެހި ދެލަނޑު ވެސް ކާމިޔާބުކޮއްދިނީ މެންޗެސްޓަރ ސިޓީއަށް ކުޅެމުން އަންނަ އެލެންވައިޓްއެވެ. މެޗުކުޅެފައިވަނީ ޖަޕާނުގެ ސަޕޯރޯގައި ކުޅިބެލުންތެރިން ނުވައްދާއެވެ.
މި ގުރޫޕްގައި ދުނިޔޭގެ އަންހެނުންގެ ފުޓްބޯޅަ ޗެމްޕިއަން އެމެރިކާ ވަނީ 44 މެޗަށްފަހު ފުރަތަމަ ފަހަރަށް ބަލިވެފައެވެ. އެމެރިކާ ބަލިވީ ސްވްޑިން އަތުން 3-0 ލަނޑުންނެވެ. އޮލިންޕިކްސް ރަސްމީކޮށް ފެއްޓުމުގެ ދެދުވަސް ކުރިން ވަނީ އަންހެނުންގެ ފުޓްބޯޅަ އިވެންޓު ފަށާފައެވެ. މިފަހަރުގެ ގޭމްސްގައި ގްރޭޓް ބްރައިޓަން އިން އެކި ކުޅިވަރު ތަކުގައި 376 އެތުލީޓުން ބައިވެރިވާނެއެވެ.
