އިޓާލީގެ ޕާމާއަށް މި ސީޒަނަށް އެކުލަބުގެ ކުރީގެ ކީޕަރު ޖުއާންލިޖީ ބުފޮން 20 އަހަރުފަހުން ޕާމާގެ ޖާޒީގައި ފުރަތަމަ ފަހަރަށް މެޗެއް ކުޅެފިއެވެ.
ސެރިއާގެ އާސީޒަނަށް ތައްޔާރުވުމުގެ ގޮތުން ވީއެފްއެލް ބޮޗަމް 1848 ދެކޮޅަށް ކުޅުނު އެކުވެރިކަމުގެ މެޗު ބުފޮން ވަނީ ޕާމާގެ ގޯލް ބަލަހައްޓާފައެވެ. މިއީ 7339 ދުވަސް ފަހުން ޕާމާއަށް ބުފޮން ކުޅުނު ފުރަތަމަ މެޗެވެ. މިހާރު އުމުރުން 43 އަހަރު ގޯލްކީޕަރު ޕާމާ ދޫކޮށް އިޓަލީގައި ޖުވަންޓެސްއަށް ގުޅުނީ 2001 އަހަރު އޭރު ދުނިޔޭގެ ރެކޯޑް ފީ އެއްކަމަށްވާ 53 މިލިއަން ޕައުންޑްގެ އަގަކަށެވެ.
މިމެޗުގައި ބޮޗަމް އަތުން ޕާމާ ވަނީ 1-0 ލަނޑުން ބަލިވެފަ. މިމެޗުގައި ޕާމާގެ ގޯލް ބުފޮން ބެލެހެއްޓީ މެޗުގެ ފުރަތަމަހާފްގައިއެވެ. ބުފޮން ވަނީ އިޓަލީގެ ގައުމީ ޓީމުގެ ކެޕްޓަން ކުރުމުގެ އިތުރުން 2006 ވަނަ ވޯލްޑްކަޕް ފުޓްބޯޅަ މުބާރާތުގެ ތަށި އިޓަލީއެކު ކާމިޔާބުކޮށްފައެވެ.
