ކައިވެންޏާއި ބެހޭގޮތުން އާއިލާއިން ދެކޭގޮތް ބަތަލާ ތަނީޝާ މުކަރްޖީ ކިޔައިދީފި އެވެ.

މިހާރު އުމުރުން 43 އަހަރުގެ ތަނީޝާ ބުނެފައިވާގޮތުގައި އޭނާގެ އާއިލާ އަކީ އޭނާ އަށް ލިބުނު އެންމެ އަގުބޮޑު ހަދިޔާ ކަމަށެވެ. އަދި އޭނާގެ ހުރިހާ ނިންމުމަކަށް އާއިލާ އިން އެއްބާރުލުން ދޭކަމަށް ވެސް ވަނީ ބުނެފައިއެވެ. އޭނާ އާއިލާ ސިފަ ކުރަނީ "އެމޭޒިން ފެމެލީ"ގެ ގޮތުގައިއެވެ.

ތަނީޝާ އަކީ ކުރީގެ މަގުބޫލު ތަރި ތައްނޫޖާ މުކަރްޖީގެ ދަރިފުޅެވެ. އަދި އޭނާ އަކީ ބޮލީވުޑްގެ މަޝްހޫރު ބަތަލާ ކާޖަލްގެ ކޮއްކޮއެވެ. މި ދެމީހުން ގެ ބައްޕަ އަކީ މަރުހޫމް ސޯމޫ މުކަރްޖީއެވެ.

ޒޫމް އާއި ވަހަކަ ދައްކަމުން ތާނީޝާ ބުނެފައިވަނީ އޭނާ ބޭނުން ގޮތަށް އުޅުމުގެ ހުރިހާ އިހުތިޔާރެއް އޭނާއަށް އޮންނަ ކަމަށެވެ. އަދި އާއިލާ އިން އަބަދުވެސް އިތުބާރު ކުރާ ކަމަށެވެ.

 

View this post on Instagram

 

A post shared by Tanishaa Mukerji (@tanishaamukerji)

ތަނީޝާއަކީ ދައްތަ ކާޖޮލް ފަދަ މަގުބޫލު ކަމެއް ބޮލީވުޑްގައި ހޯދުނު ތަރިއެއް ނޫނެވެ. އޭނާގެ ކުރިއަށް އޮތް ފިލްމަކީ "ލައިފް އިޒް ޝޯޓް" އެވެ.

ތަނީޝާ ވަނީ އޭނާގެ "އެގް ފްރީޒިން ޕްރޮސެސް" އާއި ބެހޭގޮތުން ވެސް ދާދި ފަހުން ވަހަކަ ދައްކާފައިއެވެ. އޭނާ ބުނެފައިވާ ގޮތުގައި އޭނާ އެކަމަށް ބޭނުންވެގެން ޑޮކްޓަރަށް ދެއްކުމުން ޑޮކްޓަރުވަނީ އެކަން ނުކުރުމަށް އިރުޝާދު ދީފައިއެވެ. އަދި އެކަމުގެ ސަބަބުން ހަށިގަނޑަށް ވަރަށް ނޭދެވޭ އަސަރުކުރާނެ ކަމަށް ޑޮކްޓަރު ބުނެފައިވާކަމަށް ތަނީޝާ ވަނީ ބުނެފަ އެވެ. އެއީ ދަރިއެއް ހޯދުމުގެ އުންމީދު ނެތް މީހުން ކުރާ ކަމެއްކަމަށް ޑޮކްޓަރު ބުނެފައިވާ ކަމަށްވެސް ތަނީޝާ ވަނީ ބުނެފައިއެވެ.

އިތުރަށް ވާހަކަ ދައްކަމުނުން ތަނީޝާ ބުނެފައިވަނީ އެއީ އޭނާގެ އަމިއްލަ ޗޮއިސްއެއް ކަމަށެވެ. އަދި މިޒަމާނުގައި ދަރިން ހޯދަން ބޭނުންނޫންނަމަ އެޑޮޕްޓް ވެސް ކުރެވޭނެ ކަން އެގެން ޖެހޭ ކަމަށާއި އެވާހަކަ ދައްކަން ޖެހޭ ކަމަށް ވެސް ބުނެފައިވެއެވެ.

ތަނީޝާ ގަބޫލު ކުރާ ގޮތުގައި ކައިވެންޏަކީ މުހިންމު ކަމެއް ނޫނެވެ. އަދި ރިލޭޝަންޝިޕެއްގައި އުޅުމަކީ ވެސް މުހިއްމު ކަމެއް ނޫންކަމަށް އޭނާ ބުނެއެވެ. ކޮންމެހެން ހަޔާތުގައި ފިރިހެނެއް ޝާމިލު ކުރުން މުހިންމު ނޫންކަމަށް ވެސް ތަނީޝާ ގަބޫލު ކުރެއެވެ.

 

View this post on Instagram

 

A post shared by Tanishaa Mukerji (@tanishaamukerji)

ތަނީޝާގެ އެންމެ ފުރަތަމަ ފިލްމްއަކީ 2003 ގެ ފިލްމް "ސްޝް" އެވެ. އެންމެ ފަހުން އޭނާ ފެނިގެން ދިއައީ "ނީލް އެންޑް ނިކީ" އަދި "ޓޭންގޯ ޗާލީ" އިންނެވެ. މީގެ އިތުރުން ތަނީޝާ ވަނީ "ބިގްބޮސް" ސީޒަން 7 ގައި ވާދަކޮށްފަ އެވެ. އަދި ހަމަ އެހެންމެ އެ ސީޒަންގެ ތެރޭގައި އޭނާ ވަނީ އަރްމާން ކޯލީއާ ރައްޓެހިވެފަ އެވެ. ނަމަވެސް އެގުޅުން މާ ގިނަ ދުވަހަކަށް ދެމިއެއް ނޯތެވެ.