އާ ސީޒަނަށް ތައްޔާރުވުމުގެ ގޮތުން ޕްރީސީޒަންގެ ތަމްރީން މެޗުތަކުގެ ތެރެއިން ރެއާލް މެޑްރިޑް ކުޅުނު ދެވަނަ މެޗުން އެޓީމު އެއްވަރުވެއްޖެއެވެ.
ރޭ ރެއާލް ވަލްކޯނާ ދެކޮޅަށް ކުޅުނު މެޗުން މެޑްރިޑު އެއްވަރުވީ 1-1 ލަނޑުންނެވެ. މެޗުގައި މެޑްރިޑުގެ ހަމައެކަނި ލަނޑު އެޓީމަށް ކާމިޔާބުކޮށްދިނީ ލިބުނު ޕެނެލްޓީއަކުން އިސްކޯއެވެ. ވަލްކޯނާއަށް ލަނޑަކީ މެޑްރިޑުގެ ވިކްޓޯ ޗަސްޓް އަތުން ބައިކޮޅަށް ވަތްލަނޑެކެވެ. ޔޫރޯ ފުޓްބޯޅަ މުބާރާތާއި ކޮޕަ އެމިރެކީ ފުޓްބޯޅަ މުބާރާތް ނިންމާލާއިފަ ކުޅުންތެރިން ޗުއްޓީގައި ތިބުމުގެ ސަބަބުން މެޑްރިޑުގެ ކޯޗު ކާލޯ އެންޗެލޯޓީ ވަނީ މިމެޗުގައި ޒުވާން ގިނަ ކުޅުންތެރިންނަށް ފުރުސަތު ދީފައެވެ.
އަންނަ އާދީއްތަވ ދުވަހު މެޑްރިޑުން ނުކުންނީ އެކުވެރިކަމުގެ ތިންވަނަ މެޗުގައި ސްޓީވަން ޖެރާޑްގެ ކޯޗުކަމުގެ ކުޅެމުންދާ ރޭންޖާސްއާ ދެކޮޅަށެވެ. އެއްފަހު މެޑްރިޑުން އޯގަސްޓް މަހުގެ 8ގައި އިޓަލީގެ އޭސީ މިލާނާ ދެކޮޅަށް މެޗެއް ކުޅުމަށް ވަނީ ހަމަޖެހިފައެވެ.
