އިނގިރޭސި ލީގުގުގެ އާ ސީޒަނު ފެށުމުގެ ކުރިން ކުރިޔަށްދާ ޕްރީ ސީޒަން ތަމްރީން ތަކުގެ ތެރެއިން އިނގިރޭސި ކުލަބު މެންޗެސްޓަރ ޔުނައިޓެޑު ކުޅުނު ފުރަތަމަ މެޗު މޮޅުވެއްޖެއެވެ.
ޕްރައިޑް ޕާކް ކުޅުނު މެޗު ޔުނައިޓެޑުން ކާމިޔާބުކުރީ އެޓީމުގެ ކުރީގެ ކެޕްޓަން ވޭންރޫނީގެ ކޯޗެއްގެ ގޮތުގައި ހުރި ޑާބީ ކައުންޓީއާ ދެކޮޅަށް ކުޅެއެވެ. ޔުނައިޓެޑުން މެޗު ކާމިޔާބުކުރީ 2-1 ލަނޑުންނެވެ. މިމެޗުގައި ޔުނައިޓެޑުގެ ލަނޑުތައް ކާމިޔާބުކޮއްދިނީ ތަހިޓް ޗޮންގް އާއި ފަސުންޑޯ ޕެލިސްޓްރީއެވެ. ޑާބީ އަށް ސުންކަޑުވާލަދިނީ ކޮލިން ކާޒިމް ރިޗާޑް ކާމިޔާބުކުރި ލަނޑުންނެވެ.
މިމެޗު ޔުނައިޓުގެ ފުރަތަމަ ޓީމަށް ކުޅެމުން އަންނަ ފަސް ކުޅުންތެރިން އަށް ކޯޗު އޮލަގަނަ ސޯލްޝެއަރ ވަނީ ފުރަތަމަ އެގާރައިން ފުރުސަތު ދީފައެވެ. މިމެޗުގައި ޖުއާން މާޓާ،މާސެން ގުރީވުޑް އަދި ވެން ބިސާކާ ވެސް ވަނީ ފުރަތަމަ އެގާރައިގެން ހިމެނިގެން ކުޅެން ނުކުމެފައެވެ. ޔުނައިޑެޓުން އަންނަ ހޮނިހިރު ދުވަހު ޕްރީސީޒަން ދެވަނަ މެޗުގައި ނުކުންނާނީ ކިއުޕީއާރްއާ ދެކޮޅަށެވެ.
އިއްޔެ ޕްރިމިއަރ ލީގުގައި ވާދަކުރާ ނިއުކާސަލް ޔުނައިޓެޑުން ކުޅުނު ޕްރީސީޒަން ފުރަތަމަ މެޗުން އެޓީމު ވަނީ ބަލިވެފައެވެ. ފޯމު ދައްކޮށް ފެނުނު ނިއުކާސަލް ޔުނައިޓެޑު ބަލިވީ ނޭޝަނަލް ލީގުގައި ވާދަކުރަމުންދާ ޔޯކް ސިޓީއާ ވާދަކޮށް 1-0 ލަނޑުންނެވެ. އާ ސީޒަންގައި ލީގުގެ ފުރަތަމަ މެޗު ނިއުކާސަލް ނުކުންނާނނީ ވެސްޓްހަމްއާ ދެކޮޅަށެވެ.
