ޗެލްސީގެ ފްރާންސްގެ ފޯވަޑް އޮލިވާ ޖިރޫ އޭސީ މިލާންއާ ގުޅޭނެ ކަމަށް އެކުލަބުގެ ޓެކްނިކަލް ޑައިރެކެޓަރު ޕައުލޯ މަލްޑިނީ ހާމަކޮށްފިއެވެ.
އާސެނަލް ދޫކޮށް ޖިރޫ ޗެލްސީ އަށް ބަދަލުވީ ޖެނުއަރީ 2018 ގައެވެ. އޭނާ އާސެނަލް އަށް ސޮއިކުރީ 2012 ގައި މޮންޓްޕީލިއާ އިންނެވެ. އެ ކްލަބާ އެކު ޖިރޫ ވަނީ ފްރާންސްގެ ލީގު ހޯދައިފަ. މަލްޑީނީ ބުނީ ކުޅުންތެރިޔާ މިހާރު ކުލަބަށް ބަދަލުވުމުގެ ކަންކަން ހަމަޖެހުމުންދާ ކަމަށާއި ވަރަށް އަވަހަށް ކުލަބާއެކު ކުޅުންތެރިޔާ ސޮއި ކުރާނެކަމަށެވެ.
މިދިޔަ ސީޒަންގައި މިލާންއަށް އެންމެ ބޮޑު ކުރިއެރުމެއް ހޯދައިދިނުމުގައި އެންމެ މުހިންމު ދައުރެއް އަދާކުރީ ޒްލަޓާން އިބްރޮހިމޮވިޗެވެ. އޭނާ އަށް ލިބުނު އަނިޔާ އަކާ ގުޅިގެން އޭނާ ވަނީ ޖޫން މަހު އޮޕަރޭޝަނެއް ކޮށްފައެވެ. އަލުން ކުޅެން ނުކުމެވޭނެ އިރެއް ބުނާކަށް ނޭނގޭއެވެ. މިލާން އިން މިދިޔަ ސީޒަންގައި ލީގު ނިންމާލީ ދެ ވަނައިގައެވެ.
އެއީ 2012 ގެ ފަހުން އެ ޓީމުން ލީގުގައި ހޯދި އެންމެ ބޮޑު ކުރި އެރުމެވެ.
