ދަރިފުޅަށް ހަމަސް ފުރުމުގެ އުފަލުގައި އެކަން ފާހަގަ ކޮށް ފިލްމީތަރި އަނުޝްކާ ޝަރުމާ އާއި ކްރިކެޓް ކެޕްޓަން ވިރާޓް ކޯލީ ވަނީ ސޯޝަލް މީޑިއާގައި ފޮޓޯތަކެއް ހިއްސާކޮށްފަ އެވެ. ނަމަވެސް މިއިން އެއްވެސް ފޮޓޯއަކުން ކުޑަކުޑަ ވަމިކާގެ މޫނު ފެނިގެންނެއް ނުދެއެވެ.
ވަމިކާއަށް ހަމަސް ފުރުން ފާހަގަ ކުރުން މާ ކުލަގަދަކޮށް ބާއްވާފައި ނުވިނަމަވެސް މި ފޮޓޯތަކުން ފެންނަނީ މި ދެމަފިރިން ދަރިފުޅާއި އެކު ޕާކެއްގައި ޕިކްނިކް ކުރަނިކޮށެވެ.
ވަމިކާ އުފަންވެފައިވަނީ މި އަހަރުގެ ފެބްރުވަރީ 11 ގައި އެވެ. ވަމިކާ ގެ މޫނު ފެންނަ މާ ސާފު ފޮޓޯއެއް މި ވީހާތަނަކަށް އަދި މީޑިއާއަށް ތިލަ ވެފައެއް ނުވެއެވެ. ވިހެއުމުގެ ކުރިން ވެސް އަނޫޝްކާ ބުނަމުންދިޔައީ ދަރިފުޅު ކެމެރާތަކާއި ވީހައިވެސް ދުރުގައި ގެންގުޅެން ބޭނުންވާކަމަށެވެ.
ހަމަ އެހެންމެ އަނުޝްކާ އަދި ވިރާޓްވަނީ ވަމިކާ އުފަންވިތަނާ ހުރިހާ މީޑިއާ ތަކަކަށް ހަދިޔާ ފޮއްޓެއް ފޮނުވައި، ދަރިފުޅުގެ ޕޮޓޯ ނުނެގުމަށް ރިކުއެސްޓްކޮށްފަ އެވެ.
ކޮމެންޓު ފޮނުވާ