ރައްޔިތުންގެ މަޖިލީހުގެ ބައެއް މެންބަރުން ބަރުލަމާނީ ނިޒާމަށް ތާއީދުކުރަނީ، މެންބަރުކަމައި ވަޒީރުކަން އެބޭފުޅުންނަށް ލިބިވަޑައިގަތުމުގެ ފުރުޞަތު އޮތުމުންކަމަށް އައްޑޫ މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.

ރައްޔިތުންގެ މަޖިލީހުގެ ރައީސްއާއި، އެމަނިކުފާނަށް ތާއީދުކުރައްވާ އެމްޑީޕީގެ ބައެއް މެންބަރުން ގެންދަވަނީ ބަރުލަމާނީ ނިޒާމެއް ރާއްޖޭގައި ޤާއިމްކުރުމަށް ގޮވާލަމުންނެވެ.

އެކަމަށް އިޝާރަތްކުރައްވާ އައްޑޫ މަރަދޫ ދާއިރާގެ އެމްޑީޕީ މެންބަރު އިބްރާހީމް ޝަރީފް (މަވޯޓާ) ވިދާޅުވީ، ބަރުލަމާނީ ނިޒާމެއްގައި ދައުލަތުގެ އެންމެ އިސްވެރިޔާ ހޮވުމުގައި ރައްޔިތުންގެ ބަހެއް ނޯންނާނެކަމަށާއި، ސަރުކާރު ވާނީ މަޖިލިސް އެހެން ކޮމިޓީ ތަކެކޭ އެއްގޮތްކަމަށެވެ. ސަރުކާރަކީ މަޖިލިސްގެ ކެބިނެޓް ކޮމިޓީކަމަށާއި، ރައްޔިތުންގެ މެޖޯރިޓީ ނުލިބޭނެ ބަޔަކަށް "ހޯރސް ޓްރޭޑިން" ކޮށްގެން ސަރުކާރު ހޯދަން ފަސޭހަވެދާނެކަމަށްވެސް ޝަރީފް ވިދާޅުވިއެވެ.

Barulamaanee nizaam eggai dhaulathu ge emme isveriyaa hovumuga rayyithunge baheh noannaane.Sarukaaru vaanee Majlis ehen committee thakekey eggoh. Sarukaarakee Majlisge cabinet committee.Rayyithunge majority nulibeyne bayakah horse trading koggen sarukaaru hoadhan faseyha vedhaane

— Ibrahim Shareef (@AdduShareef) July 8, 2021

ޝަރީފް ވިދާޅުވީ، މަޖިލިސްގެ ބައެއް މެންބަރުން އަޑުފުޅަށް ބާރުލައްވާފައި ބަރުލަމާނީ ނިޒާމުން ރައްޔިތުންނަށް ފައިދާވާނެކަމަށް އެ ވިދާޅުވަނީ މެންބަރުކަމާއި ވަޒީރުކަން އެބޭފުޅުންނަށް ލިބިވަޑައިގަތުމުގެ ފުރުޞަތު އޮތުމުންކަމަށެވެ. މެންބަރުންގެ ތެރެއިން މިނިސްޓަރުކަން ލިބިވަޑައިގަންނަވައިގެން ރައްޔިތުންނަށް ވާނެ ފައިދާއެއް ނެތްކަމަށްވެސް ޝަރީގް ވިދާޅުވިއެވެ.

Majis ge baeh memberun adu fulhah ehaa baaru lavvaafa Barulamaanee nizaamunney rayyithunnah faidhaa e vidhaalhu vanee MP+Minister kan e beyfulhunnah libivadaigathumuge furusathu https://t.co/48itzwgiWO ge therein minister kan libivadaigannavvaa ehen rayyithunnah vaane faidhaa nei

— Ibrahim Shareef (@AdduShareef) July 8, 2021

ބަރުލަމާނީ ނޭނގުނަސް މައުމޫންގެ ވެރިކަމުގަ އޮތްގޮތަށް މަޖިލީހުން ދައުލަތުގެ އިސްވެރިޔާ ހޮވާގޮތަށް ޤާނޫނު އަސާސީ ބަދަލުކުރެވިދާނެ. އިތުރަށް ކުރަންޖެހޭ ކަމަކީ ހަމައެކަނި މަޖިލިސް އިން ކަނޑައަޅާ ނަން ކުރިން އޮތްގޮތަށް ރައްޔިތުންގެ ފެންނަ ނުފެންނަ ވޯޓަކަށް ދިއުންން އުނިކޮށްލުން. އެވީ ބަރުލަމާނީ.

– އިބްރަހީމް ޝަރީފް

Barulamaanee nugeneyas Maumoon ge verikamuga oigothah Majlis in dhaulathuge isveriyaa hovaa gothah qaanoon asaasee badhalu kurevidhaane.Ithurah kurajehey kamakee hama ekani Majlis in kanda alhaa nan kurin oggothah rayyithunge fenna nufenna vote akahdhiyun uni kolln.Evee Barulaman

— Ibrahim Shareef (@AdduShareef) July 8, 2021

“އާސްކް ސްޕީކަރ” ޕްރޮގްރާމްގައި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދު، ވަނީ  2023ގެ ރިޔާސީ އިންތިހާބު ބޭއްވުމަށްވުރެ ގައުމަށް އެންމެ ބޭނުންތެރިކަމަކީ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުން ކަމަށް ވިދާޅުވެފަ އެވެ. ރައީސް ނަޝީދު ވިދާޅުވީ، ރާއްޖޭގެ ވެރިކަން ހިންގާ ނިޒާމް 2023 ވަނަ އަހަރު ބަރުލަމާނީ ނިޒާމަކަށް ބަދަލު ކުރެވޭނެ ކަމުގެ ޔަގީންކަންވެސް އެބައޮތް ކަމަށެވެ.