ބޮލީވުޑްގެ މަގުބޫލު ފިލްމް ތަކެއް ޑައިރެކްޓު ކޮށްފައިވާ ކަރަން ޖޯހަރު އޭނާގެ ކުރިއަށް އޮތް ޕްރޮޖެކްޓް އިއުލާން ކުރުމަށް ތައްޔާރުވެއްޖެ އެވެ.
ގިނަ ދުވަސް ތަކަކަށްފަހު ޑައިރެކްޓަރު ގެ ގޮޑިން ކަރަން ފެނިގެން ދާ މި ޕްރޮޖެކްޓް އިއުލާން ކުރުން އޮންނާނީ މާދަމާއެވެ. ފިލްމީ ހަބަރުތަށް ބުނާގޮތުގައި އޭނާގެ މި ޕްރޮޖެކްޓުގައި ތަރިންގެ ގޮތުގައި މަސައްކަތް ކުރާނީ އާލިއާ ބަޓާއި ރަންވީރު ސިންގް އެވެ.
ސޯޝަލް މީޑިއާގައި މިކަން އިއުލާން ކުރަމުން ކަރަން ބުނެފައިވާ ގޮތުގައި އެކަން މާދަމާގެ 11 ޖަހާއިރު އިއުލާން ކުރާނެކަމަށެވެ. އަދި ޑައިރެކްޓަރުގެ ގޮޑިގައި އިށިނުމަށް އޭނާ ތައްޔާރު ކަމަށްވެސް ވަނީ ބުނެފަ އެވެ. އަދި މީ އަނެއްކާ ވެސް އާފެށުމަަކަށް ވާނެކަމަށާއި އެންމެ ކުރާ ހިތްވާ ކަންތަށް ކުރުމަށް އެނބުރި އަންނަ އިރު އުފަލުން ހުރިކަމަށް ވެސް ކަރަން ވަނީ ބުނެފަ އެވެ.
This is the beginning of a new journey & my way back home – all at once. It's time to go back to my favourite place, it's time to create some eternal love stories from behind the lens. A very special story, truly immersed in the roots of love and family. pic.twitter.com/5XE6ebtnNJ
— Karan Johar (@karanjohar) July 5, 2021
ކަރަން ވަނީ "ކުޗް ކުޗް ހޯތާހޭ" "މައި ނޭމް އިޒް ޚާން" " ސްޓޫޑެންޓް އޮފް ދަ އިޔާ" ފަދަ މަގުބޫލު ފިލްމުތަކެއް ޑައިރެކްޓް ކޮށްފަ އެވެ. އެންމެ ފަހުން ކަރަން ޑައިރެކްޓް ކޮށްފައިވަނީ 2016 ވަނަ އަހަރުގެ ފިލްމް "އޭ ދިލް ހެ މުޝްކިލް" އެވެ. މީގެ އިތުރުން ނެޓް ފްލިކްސް ސީރީޒް "ގޯސްޓް ސްޓޯރީޒް"ގެ ސެގްމެންޓެއް ވެސް ވަނީ ޑައިރެކްޓްކޮށްފަ އެވެ.
